Autos de posesión das terras de Alonso de Azebedo pola Dignidade Arcebispal de Santiago, ao acabar o foro que delas tiña. Son as fegresías de San Saturnino de Goiáns, San Martiño de Miñortos, Santa María de Nebra, San Vicente de Noal, Santa María de Xuño, San Pedro de Baroña, Lugar de Salmon, San Xulián de Artes, San Vicente de Cespón, San Xoán de Maceda e San Andrés.
Carta da Comandancia Militar de Santiago ao Arcebispo da mesma cidade, comunicándolle o seu descontento pola falta de colaboración por parte do Arcebispado para manter a unión entre os feligreses e o clero en favor da raíña Isabel II.
Conxunto de catro escritos nun mesmo documento. A Confraría de San Roque solicita ao arcebispado de Santiago, á parroquia de San Miguel dos Agros e ao Colexio de Misións para Terra Santa celebrar o Viacrucis na capela da confraría.
Solicitude de permiso para sacar ao santo da Confraría de San Roque o día da Asunción da Santísima Virxe ao Arcebispo de Santiago. Inclúe a resposta do Arcebispado.
Carta ao Arcebispo de Santiago da Confraría de San Roque requerindo o permiso para a celebración dos actos en honra a San Roque. O mesmo documento inclúe a resposta.
Petición da Confraría de San Roque de Santiago ao Arcebispo da mesma cidade para poñer o Santo en Novena e se saque en Rogativa para pedir contra a peste. Inclúe a resposta no mesmo documento.
Carta de José Taboada, do Goberno Civil de A Coruña, ao Arcebispo de Santiago sobre unha pastoral lida nese día na que se falaba da chegada do cólera a Santiago. Taboada explica a súa disconformidade con ela, xa que é unha información do ano anterior. Por esta razón lle acompaña unha circular que xa remitiu na que se desminte esa información.
Borrador dunha carta de agradecemento anticipado e insistencia no envío de pezas de interese para a Exposición Regional Gallega de 1909, facendo fincapé nalgunhas obras de renome que estarán presentes e a participación de importantes benefactores
Carta do arcebispado de Santiago á Confraría de San Roque da mesma cidade solicitándolle o óbolo para o Víacrucis. Inclúe a circular do Arcebispado onde se indican os fins da mesma.
Escrito da Confraría de San Roque de Santiago ao Arcebispo de Santiago para que tome medidas sobre unha confraría que se creou co mesmo patrón e na mesma cidade. No mesmo documento está a resposta do Arcebispo comunicándolle que non hai nada que impida que haxa dúas confrarías do mesmo santo na mesma cidade.
Carta do Conde de Cartagena ao Arcebispo de Santiago agradecéndo que se manteña do lado de Isabel II, e pedíndolle que faga o posible para que os eclesiásticos e os fieis de Santiago fagan o mesmo.
Carta do Conde de Cartagena ao Arcebispo de Santiago anunciando a sublevación de eclesiásticos regulares e seculares en Vizcaia, A Rioxa e Burgos contra a raíña Isabel II.
Documentos sobre as fortezas de Rianxo, Lantaño e A Ínsula. Entre eles: preito homenaxe de Juan Ulloa Sarmiento ao Arcebispo Juan Tábena por estas fortalezas (1532/08/17) e preito homenaxe e xuramento de obediencia de Enrique de Guzmán a tódolos arcebispos de Santiago (1533/11/21).
O arcebispo de Santiago concede 200 días de indunxencia aos fieis que rogaran polo eterno descanso de Concha Blanco Cicerón.
Instancia da Confraría de San Roque de Santiago ao Arcebispo de Santiago suplicándolle que tome medidas pola aparición doutra confraría do mesmo santo na parroquia de Santa María a Real de Sar.
Pólizas da `Sociedad de Seguros Mútuos contra Incendios de la ciudad de Santiago` para a Casa da Senra. Adxunta ás pólizas dos anos 1892 e 1907, os recibos dos anos 1892, 1894, 1897, 1901 e 1907.
Cartel institucional do Concello de Santiago para a promoción do turismo na cidade cunha imaxen nocturna da Catedral de Santiago. Fotografía de Xenaro M. Castro. Inclúe listado dos recoñecementos nacionais e internacionais da cidade
Cartel institucional do Concello de Santiago para a promoción do turismo na cidade cunha imaxen nocturna da Praza do Obradoiro na noite dos fogos do Apóstolo e a Catedral de Santiago ao fondo. Inclúe listado dos recoñecementos nacionais e internacionais da cidade
Sentenza de vista dada en Valladolid a favor da Igrexa e Arcebispado de Santiago contra Lope Osorio de Moscoso, Conde de Altamira, pola cal se ordena que dito conde devolva a fortaleza de Cira ao Arcebispado. Tamén inclúe outro traslado simple de sentenza criminal do 1539 contra o mesmo conde por outros motivos.
Tres Reais Provisiones de 1544. A primeira a petición de Diego Álvarez de Sotomaior; a segunda a petición de García Rodríguez de Caamaño; e a terceira a petición do Arcebispo de Santiago. Cada unha co seu certificado de copia.