Alegato de Ramón Tojo no nome de Francisco Bentín e Domingo Pintos no caso da denuncia por falsedade dunha acta interposta por Ángel Aldrey e o seu procurador Domingo Sánchez. Fala dunhas denuncias calumniosas e duns delitos `fantásticos` e descalifica ás testemuñas chamándolle a unha, por exemplo `perdido que acabó en trapisondas, (...) almuerza con aguardiente`. Busca amosar que existen incoherencias, olvidos estraños e a existencia dunha trama e confabulación contra os seus defendidos, e pide a instrución dunha causa contra as testemuñas Ozal e Souto. Nomea tachas doutras testemuñas e solicita volver a interrogar por separado a outras, asemade pide se lle mande exhorto ao secretario e ao alcalde para que mostren o patrón vecindario desde 1860 para ver o reparto de contribucións.
Nota recordatoria de cousas que ten que facer: Blanco-Cicerón (dicirlle que escriba a Ruperto), Simeón García (preguntar se quere un outorgamento sobre o caso Mera) e Ramón Tojo (pedir un borrador).
Ramón Tojo Roel, avogado representante de Antonio Rodríguez Santiago e Felipe Bobillo, pide a absolución da demanda interposta por José María Penas, avogado de Pedro Junquera, alegando a liberdade de contrato (13 de xullo de 1893) e a posterior disolución da sociedade en tres partes, sen responsabilidade do sucedido posteriormente.
Demanda interposta polo avogado Ramón Tojo Roal, por impago de préstamo, na causa de Benigno de Soto Díaz contra Gabriel Cabeza Rodríguez.
Ramón Tojo, no nome de Simeón García de la Riva representante da sociedade `Simeón García y Compañía`, propón unha demanda contra Bernardo Mera Rodríguez, de Celanova, por impago nun préstamo e solicita o embargo preventivo.
Recordatorio para que Ricardo Blanco-Cicerón pida unha copia dunha escritura da finca da Cañiza a Celanova e sobre as preguntas a Mera dos seus pagos.
Sentenza fallada a favor do demandante, Manuel María Puga, herdeiro universal, contra Manuel Puga Sarmiento pola entrega dos documentos referentes á herdanza da condesa de Ximonde. Declarando a non procedencia da demanda de Ramón Tojo Roel contra Lorenzo Fernández por inxurias e calumnias.
Ramón Tojo, no nome de Simeón García de la Riva representante da sociedade `Simeón García y Compañía`, solicita exhortos a distintos xuíces para que algúns bens embargados de Bernardo Mera sexan taxados por peritos e postos en pública subasta.
Ramón Tojo, no nome de Simeón García de la Riva, representante da sociedade `Simeón García y Compañía`, solicita a colocación en sitios públicos do aviso da subasta dos bens embargados a Bernardo Mera.