Postal na que se reproduce un debuxo coa imaxe idealizada dunha parella nun peirao, vestidos con traxes típicos.
Imaxe de catro homes con indumentaria tradicional con chaleco, calzón curto, polainas e monteira, sentados nunha mesa de taberna.
Debuxo a cor dun busto feminino, peiteada e pintada á moda dos anos 20, pero con pano da cabeza e dengue. Ao fondo, a Catedral de Santiago
Ferrer Sans, Pedro, 1870-1939, Fotógrafo . (A Coruña)
Retrato dun grupo de persoas que forman unha agrupación folclórica, composta por tres parellas de bailadores e dous músicos: gaita e caixa. As mulleres e os músicos están detrás de pé e os tres bailadores sentados no chan. As mulleres van coa cabeza descuberta, co pelo partido en dúas metades e recollido na parte posterior; na parte alta da cabeza levan un lacito de veludo. Visten camisas brancas e sobre elas os dengues adornados con colares de doas esféricas, suxeitos ao tecido e aos agremáns do dengue; só unha delas leva sapo ou aderezo. As tres levan mantelos negros. A da dereita leva na cintura unha faixa bordada; a do medio unha flor de tea, e a da esquerda unha cinta cunha lazada. As tres portan castañolas nas mans. Os tres bailadores viste monteiras baixas, chaquetas sobre camisas brancas, calzóns curtos, cirolas e polainas. Os músicos visten como os bailadores, aínda que o gaiteiro, Manuel Manso, leva unha pluma na monteira. Ao seu carón está seu fillo Francisco Manso, coñecido como Cafú, tocando a caixa; leva chaleco e por riba a coñecida chaqueta con remontas negras que sempre levaba nas súas actuacións.
Debuxo coa imaxe idealizada dunha muller collendo auga nunha sella. Vai vestida con pano da cabeza, mantón sobre camisa de amplas mangas, saia, mandil e zocas de punta moi picuda.
Postal na que se reproduce un debuxo da autoría de Juan Giralt Levin na que se representa a imaxe idealizada dunha parella nunha eira, ela en actitude de bailar e el cunha gaita.
Fotografía Prats y Chavarino, Fotógrafos (Madrid) Prats, Antonio
Instalación correspondente a Galicia na exposición do traxe celebrada en Madrid en 1925. En primeiro plano, unha sucesión de arcos de medio punto sobre columnas pareadas de capiteis historiados. En plano medio, á dereita hai dous manequíns, un de home de pé e outro de muller axeonllada. Ao fondo, á esquerda, un gaiteiro sentado nun muro baixo cun neno ao seu carón e á dereita, dous manequíns femininos, un de pé e outro sentado no chan.
Fotografía Prats y Chavarino, Fotógrafos (Madrid) Prats, Antonio
Instalación correspondente a Galicia na exposición do traxe celebrada en Madrid en 1925. En primeiro plano, dúas columnas. Á esquerda hai un manequín de home vestido cunha monteira, rematada en 4 pompóns, e unha almilla escura con remontas negras nos puños e no cóbado. No centro, outro manequín masculino sentado nun muro e apoiando as costas nun remate esférico de pedra. Viste pucho, almilla clara con remontas nos puños adornadas con semicírculos; parece levar un chaleco por riba da almilla. Nas pernas, leva cirolas, calzón curto, polainas e zocos; sostén unha gaita co roncón apoiado no seu ombro esquerdo e aos seus pés, no chan, un tamboril. Ao seu carón hai un manequín dun neno. Á dereita, un manequín feminino con pano da cabeza, atado na parte superior, un mantón posiblemente estampado e con flocos anoados e un mantelo cun enorme rodo de veludo e agremán bordado no centro.
Fotografía Prats y Chavarino, Fotógrafos (Madrid) Prats, Antonio
Instalación correspondente a Galicia na exposición do traxe celebrada en Madrid en 1925, con dous manequíns, un masculino e outro feminino diante do pórtico dunha igrexa, cun arco de medio punto. Á dereita está o manequín do home, apoiado na columna da porta. Leva a cabeza descuberta, pois ten o pucho na man esquerda. Viste unha almilla co corpo negro e as mangas claras, adornada con remontas xeométricas nos puños e na parte inferior. Por baixo, leva unha camisa branca e unha faixa de cor clara, cos flocos colgado lateralmente. Nas pernas leva calzón curto sobre as cirolas, polainas e zapatos. Á dereita está o manequín feminino, de costas, axeonllada no chan. Leva unha mantela de pano cun ancho rodo de veludo e adornada con agremán bordado na parte central. De cintura para abaixo leva unha saia negra e un mantelo, tamén con rodo de veludo e agremán bordado.
Fotografía Prats y Chavarino, Fotógrafos (Madrid) Prats, Antonio
Instalación correspondente a Málaga na exposición do traxe celebrada en Madrid en 1925. Escena de pesca con catro manequíns masculinos nunha praia na que está varada unha embarcación. Á esquerda hai un home con dous cestos de esparto cargados de peixe, pendurados dos brazos; no centro, outro home cun xeonllo apoiado no chan e ao seu carón dous rapaces de costas, recostados no chan.
Fotografía Prats y Chavarino, Fotógrafos (Madrid) Prats, Antonio
Instalación correspondente a Murcia na exposición do traxe celebrada en Madrid en 1925. Escena exterior con cinco manequíns, tres mulleres e dous homes. No lado dereito hai unha parella de mozos cos traxes típicos; no centro, outra parella de máis idade e na esquerda unha muller axeonllada. No fondo, debuxado na parede, unha paisaxe cunha casa típica.
Fotografía Prats y Chavarino, Fotógrafos (Madrid) Prats, Antonio
Instalación correspondente a Valencia na exposición do traxe celebrada en Madrid en 1925. Escena doméstica con dous manequíns masculinos, no interior dunha casa. No centro da composición, un home sentado nunha cadeira, vestido con camisa, chaleco e pantalón longo; ao seu carón, outro home de pé con chaqueta e calzón curto; ambos homes calzan alpargatas, Detrás unha cama e o manequín dunha muller maior mirando unha tea.
Fotografía Prats y Chavarino, Fotógrafos (Madrid) Prats, Antonio
Instalación correspondente a Valencia na exposición do traxe celebrada en Madrid en 1925. Escena doméstica con catro manequíns femininos, vestidos de `falleras`, no interior dunha casa. No centro da composición, unha muller sentada nunha cadeira diante dun secreter aberto. Ao seu carón, dúas mulleres de pé, unha mostrándolle tecidos e a outra colocándolle unha mantela polos ombreiros. Detrás, unha muller de idade avanzada observando uns tecidos de seda.
En formato horizontal, vista xeral dunha escena de baile tradicional con catro mulleres e dous homes bailando e vestidos con indumentaria floclorizada. Na dereita, un grupo de músicos, tamén con vestimenta folclorizada.
Retrato dunha muller burguesa vestida co `traxe de galega`. Leva a cabeza descuberta, co pano no pescozo. Vai vestida cun mantón de seda bordada sobre chaqueta de pano e un mantelo de veludo con agremán bordado sobre un refaixo. Nunha man leva un pano das mans branco e na outra un pequeno cesto con mazás
Postal na que se reproduce un debuxo coa imaxe idealizada dunha muller dando de comer as galiñas; ao fondo, un camiño por onde se achega un home co paraugas aberto.
Garzón y Señán, Fotógrafos (Granada) Garzón Rodríguez, Rafael Señán González, Rafael
Retrato de homes vestidos de mouros con turbantes e xilabas, nunha habitación con decoración árabe: artesonado no teito, entrelazados e celosías nas paredes e ventás e unha sucesión de arcos adornados con lacerías, sucesión de rombos e decoración vexetal. Dous dos homes están de pé, portado uns longos mosquetes. Outro home está sentado no chan, apoiado nunha das columnas e o cuarto está reclinado no chan, apoiado nun almofadón.
Aragundi, Luis, ?-1956, fotógrafo . (Padrón)
Retrato dunha nena de curta idade nun xardín, na parte alta dunha escaleira de pedra e apoiando un brazo nun muro de pedra. Vai vestido cun pano da cabeza de cor branca, unha chaqueta e unha saia negra, e un manto cruzado bordado e con longos flocos coas flores coloreadas. Nunha man leva un obxecto que non se identifica e na outra unha vara de madeira.
Aragundi, Luis, ?-1956, Fotógrafo . (Padrón)
Retrato de dúas mozas nun xardín con árbores ao fondo, vestidas de galegas. A da esquerda leva pano da cabeza, pendentes longos e un aderezo pendurado dunha cinta de veludo negra; no torso un pano estampado sen flocos sobre camisa e chaqueta; e de cintura para abaixo unha vasquiña con rodo de veludo e agremán bordado e un mandil partido con rodo de veludo e agremán da feira; nos pés, unhas sandalias abertas sobre medias brancas e na man unha vara e unha corda recollida formando un nó. A moza da dereita, leva tamén pano da cabeza, pendentes longos e un aderezo pendurado dunha cinta de veludo negra; no torso un pano estampado sen flocos sobre a chaqueta; e de cintura para abaixo unha vasquiña con rodo de veludo e cinta de damasco e un mandil con rodo de veludo e un estreito agremán; nos pés, zapatos de pulseira con fibela e nas mans sostén unha pandeireta.
Pardo Campos, Luisa, 1867-1926, Fotógrafa . (Mondariz)
Retrato dun grupo de turistas vestidos con traxes galegos e levando gallas, forquitas e cestos. Algúns homes van vestidos de muller e algunha muller de home.