Giovanetti, V., Fotógrafo . (Bos Aires )
Busto dunha muller co pelo partido en dúas metades con raia ao medio e recollido na parte posterior da cabeza. Viste unha blusa de cor clara pechada con botóns e cun broche na parte alta do escote. Leva pendentes longos e un colar de perlas. A postal preséntase nun cartafol tipo libro, suxeita con cantoneiras, o que permite extraela; vai protexida por un papel vexetal. A portada do cartafol vai adornada cunha cabeza feminina de melena ondulante en relevo.
Apugliese, P., Fotógrafo . (Bos Aires )
Retrato dunha moza de corpo enteiro cun vestido de talle baixo de cor clara e con zapatos de tacón. Leva o pelo peiteado con raia ao medio e recollido na parte posterior da cabeza. Leva pendentes longos e un colar de perlas. A súa man dereita, onde leva un reloxo de pulso, vai apoiada nunha mesa de patas tordeadas; a esquerda, sostén unha cortina. A postal preséntase nun cartafol tipo libro, suxeita con cantoneiras, o que permite extraela; vai protexida por un papel vexetal. A portada do cartafol vai adornada cun busto feminino de perfil, cheirando unha rosa.
Foto Alfonso, Fotógrafos (Madrid) Sánchez García, Alfonso Sánchez Portela, Alfonso
Retrato dun bebé de curta idade deitado boca abaixo sobre dous coxíns e apoiado sobre outro coxín máis pequeno, a xeito de almofada. Leva unha chambra branca sen mangas e vai espido de cintura para abaixo. A fotografía vai pegada sobre un cartón e presentada nun cartafol en forma de sobre.
Roca Ars Studio, Fotógrafos (Madrid)
Retrato dunha nena disfrazada de Carapuchiña Vermella: leva unha capa coa carapucha posta e dúas trenzas postizas sobre o peito; viste camisa branca, saia escura, zapatos e medias. Na man dereita leva un paraugas; o brazo esquerdo leva pendurada unha cesta de vimbio de dúas tapas. A fotografía vai pegada sobre un cartón e presentada nun cartafol en forma de libro.
Pacheco Guedes, Jaime, 1878-1954, Fotógrafo . (Vigo )
Retrato de busto dun mozo de corpo de pelo moi curto e con entradas, imberbe e con gafas redondas. Viste traxe de chaqueta e gravata.
Fotografía Portuguesa J.B. Almeida, Fotógrafo (Santiago de Compostela) Almeida, Juan Bautista
Retrato dunha parella o día do seu matrimonio. Ambos están sentados en cadeiras. Á esquerda está a muller vestida totalmente de branco, cun vestido longo de manga longa e un veo suxeito lateralmente cunha coroa de azar; nas mans suxeita un ramo. Á dereita, o home con uniforme de gala da garda civil, de pelo curto e gafas redondas, suxeitando o tricorne entre as mans. A fotografía preséntase nun paspartú marrón e dentro dun cartafol tipo sobre,
Retrato dun grupo de mozos e mozas dispostas en varias filas na escalinata de acceso ao Instituto Eusebio da Guarda da Coruña, practicamente todas de pé, agás na primeira fila, que van sentadas nas escaleiras. Trátase do alumnado do grupo C do segundo ano de bacharelato entre o que se atopa Isabel Sierra Dominguez (sen identificar)
Ksado, 1888-1972, Fotógrafo (Casado Fernández, Luís) . (Santiago de Compostela )
Retrato de familia nun recuncho dun xardín, distribuídos en tres filas. Na fila posterior hai oito persoas de pé, cinco homes e dúas mulleres novas. Na fila do medio están cinco mulleres sentadas, coa muller de máis idade no centro; entre ela e a muller do lado hai unha nena pequena, apoiada nas súas pernas; á esquerda, unha mociña sentada entre as dúas mulleres dese lado. Na fila de diante hai dúas nenas e dous nenos pequenos sentados sobre unhas mantas no chan.
Retrato de familia nun recuncho dun xardín. No centro está o matrimonio, sentados en cadeiras de brazos feitas de vimbio: á esquerda, a muller cun vestido de cor clara e á dereita o home con traxe de chaqueta. Ao redor, e de pé, están os fillos. A esquerda, a filla maior, cun vestido claro, sen mangas e longo ata os xeonllos; no medio dos pais, o fillo mediano, con traxe de chaqueta. E á dereita o fillo menor vestido de mariñeiro con pantalón curto
Foto Alfonso, Fotógrafos (Madrid) Sánchez García, Alfonso Sánchez Portela, Alfonso
Retrato dunha parella nova, ambos de medio corpo, vestidos de escuro e coas cabezas xuntas. Á esquerda está o home, de pelo curto e imberbe; á dereita, a muller cun vestido con escote en V pronunciado e co pelo recollido na parte inferior da cabeza.
Garzón y Señán, Fotógrafos (Granada) Garzón Rodríguez, Rafael Señán González, Rafael
Retrato de homes vestidos de mouros con turbantes e xilabas, nunha habitación con decoración árabe: artesonado no teito, entrelazados e celosías nas paredes e ventás e unha sucesión de arcos adornados con lacerías, sucesión de rombos e decoración vexetal. Dous dos homes están de pé, portado uns longos mosquetes. Outro home está sentado no chan, apoiado nunha das columnas e o cuarto está reclinado no chan, apoiado nun almofadón.
F. Bixio y Cia, Fotógrafos (Bos Aires) Bixio, Florencio
Retrato de estudio de dúas mulleres e un home. No centro esta unha muller nova sentada nunha cadeira, cun vestido escuro adornado cuns reberetes xeométricos; levan pendentes, colar e pulseiras e sostén un libro aberto nas mans. Á esquerda, un home de pé, vestido con traxe de chaqueta e gravata, apoiando a súa man nunha mesiña auxiliar. Á dereita, unha muller nova de pé, con vestido de cor clara, e con pendentes e colar. Detrás, un pano de fondo que debuxa unha columnas e un xardín. A fotografía preséntase nun cartafol tipo libro, adornado na portada cun ramo de flores e cun papel protector entre a portada e a fotografía.