Escritura de venda outorgada por Rosa Ventura Correa a Tomás Cayetano Cicerón y Centeno por uns terrreos en Coruxo de nome `Campo tras a viña`.
Documento de troco dunha finca co nome fonte de Sequeiros, entre Juan de Comesaña, labrador e veciño de Coruxo e Francisco González, veciño de Vigo e familiar do Santo Oficio da Inquisición.
Foro da granxa da Gándara do Carballo de Coruxo, no que o bispo de Tui, Frei Simón García Pedrefón, outorga a Francisco González, veciño de Vigo e familiar do Santo Oficio da Inquisición varios bens raices na parroquia de San Salvador de Coruxo, entre eles a Granxa da Gándara do carballo.
Resolución da herdanza de Francisco González e a súa dona Ana María Correa, entres as súas tres fillas Jacinta, Ana María e Teresa Petronila González Correa e Lorenzo Cabral Guiraldez.
Foro presentado polo procurador Jacinto do Pazo en favor de Marcos Antonio Álvarez de Araujo, ante o xuíz de Bouza, Pedro Antonio Ponce de León. Inclúe autos de 1724 e 1715, de Pablo Mauro de Leza. O foro afecta a varias fincas de Coruxo e Coia.
Conxunto de tres documentos, en torno á venda do `campo de pereiro da graña`, de Bernardo Rodríguez a Francisco González por 15 ducados de moneda de vellón, na vila de Coruxo.
Historia do Censo de Coruxo, a través de varios documentos dende 1699 ata 1722, onde se repite o nome de Jacinto Comesaña. No último documento, veciños Domingo Costas e Antonio Fernández, pagan `80 ducados de principal de censo`.
Petición de documentos que autorizan a Rosa Correay Cabral, veciña de Tui, para que poida aforar unhas propiedades que tiña co seu difunto esposo en Coia, o `Campo das Trabiesas`, a favor de Felipe Darrúa.
O abade de A Guarda, Bernardo Azcarate y Caviedes, solicita a execución de dúas Cartas Reais contra Rosa Bentura Correa y Cabral e Joseph Colbel, en relación á entrega de mil ducados do testamento de Francisco Correa, en favor da Obra Pía Redención de Cautivos.
Escritura de redención de cien ducados que tomou por Pablo Baz, veciño de Coruxo, á Confraría de Nosa Señora da Soidade, da Igrexa Catedral da cidade de Tui polos réditos anuais de 3 ducados, outorgada a favor de Tomás Cicerón.
Memoria dos documentos e instrumentos dos bens sitos na fegresía de Coruxo pertencentes á Obra Pía de Redención de Cautivos da vila de A Guarda que vendeu D. Bernardo de Azcárate y Caviedes, abade de Tui e patrón da mesma, a Tomás Cicerón y Centeno.
Escritura de venda do Campo das Salinas, en Coruxo, feita por Silvestre López e a súa dona a favor de Tomás Cicerón, ante o notario Tomás Romero Carrera.
Documento de troco da viña da Gándara, entre Pedro Martínez, veciño de Coruxo e Francisco González, veciño de Vigo e familiar do Santo Oficio da Inquisición.
Escritura de venda outorgada por José Alonso, veciño de San Andrés de Comesaña, a favor de Tomás Cayetano Cicerón y Centeno, rexidor perpétuo de Tui, dun pedazo de terra sita en Coruxo, coñecida como `Vimieiro`.
Instrumento de venda feito por María Vicenta Mendoza, veciña de Vigo, a favor de Tomás Cayetano Cicerón y Centeno sobre unhas terras e casas no lugar da Gándara de Coruxo, ante o notario Agustín Estanción Heredia.
Escritura de venda outorgada por Joaquín Costas a favor de Tomás Cicerón por un campo de labradío en Coruxo, na zona da viña da Gándara, por 356 reais e medio de moeda de vellón, tasada por Pedro Rodas.
Instrumentos outorgados por Gregorio Saavedra e Damian Pérez en favor de Tomás Cicerón por todo o Cocho da Longra, que se pagaba por foro a Carlos Bon, que o comprou Tomás Cicerón.
Escritura de venda outorgada por Pablo Vázquez e Pedro Vázquez a favor de Francisco González, veciño de Vigo do lugar da Longra, sito en Coruxo, composto por tres casas térreas e unha antecasa.
Documento de troco do terreo da Longra, dentro da Granxa no lugar da Gándara en Coruxo, entres os herdeiros de Antonio Fernández e Tomás Cicerón y Centeno.
Recibo xurídico de Isabel e Josefa Fernandez da herdanza do seu irmán Simón Fernandez, morto en Lima e entregado por Tomás Cicerón ante o notario de Tui Juan Antonio Alonso Besada.