O remitente informa a Ricardo Blanco-Cicerón da consignación dunha partida de madeira e o seu envío por carro.
O remitente informa a Ricardo Blanco-Cicerón da consignación dunha partida de madeira procedente de Vigo.
Reguera, Manuel, Fotógrafo . (Vilagarcía)
Retrato de estudio de catro homes, dous sentados na parte dianteira e outro dous detrás de pé. Todos levan bigote e traxe de chaqueta con gravata de lazo, Os dous homes das esquerda levan sombreiro tipo bombín. O que está de pé á esquerda leva sombreiro e o que esta sentado unha gorra.
Ksado, 1888-1972, Fotógrafo (Casado Fernández, Luís) . (Santiago de Compostela )
Retrato de busto dunha nena de curta idade de fronte, mirando á esquerda. Leva o pelo rizado e sorrí ensinando os dentes. Viste unha chambra branca cun colo de volante e unha chaqueta de punto.
Retrato de grupo nun xardín. Na parte central hai catro homes con traxe de chaqueta ao redor dunha árbore que leva apoiado un tronco en diagonal sobre o que vai subido un quinto home. Á esquerda, hai dúas mulleres cunha nena pequena e á dereita, unha neneira cun bebé no colo, vestida cun mandil branco.
Retrato de grupo nun xardín ao redor dunha mesa con varias botellas e vasos. Detrás da mesa están sentadas dúas mulleres e a carón dunha delas, unha nena pequena; a dereita, sentado nun tallo, un home de barba e bigote cunha pipa na boca, vestido con camisa, chaleco, pantalón longo e gorra. Detrás das mulleres, dous homes sentados nun muro baixo, unha neneira de pé cun bebé no colo e outro home de pé apoiando o brazo no tronco dunha árbore. En primeiro plano, á esquerda, un home deitado do chan. Ao fondo, un río.
Retrato de grupo nun xardín, distribuídos en varias filas. Na última fila, hai dous homes e unha muller de pé; diante deles, dúas mulleres sentadas; xunto a elas, dous nenos de pé e diante outros dous máis pequenos sentados no chan, comendo froitas dun prato que teñen xusto diante.
Klozerper, J., Fotógrafo
Retrato de exterior dunha parella sentada nunhas escaleiras de pedra. Ela leva o pelo recollido na parte posterior da cabeza e leva un vestido de cor clara con adornos de listas negras e un ramo de flores na cintura. El é imberbe, de pelo curto, vestido con traxe de chaqueta e chaleco sobre camisa branca e pantalón longo. Na súa man esquerda leva un sombreiro tipo bombín e un fino caxato.
Retrato de busto dun home adulto imberbe, co pelo curto peiteado para atrás e con lentes redondas. Viste camisa, garavata, chaqueta e abrigo.
Pasarín, 1922-, Fotógrafo (Buceta Gómez, Francisco)
Retrato dun grupo de homes na eira dunha casa, cuns palleiros de herba seca á dereita. Entre o grupo, hai catro homes vestidos de gaiteiros, con monteiras, chalecos, faixas, calzóns curtos, cirolas e polainas, compoñentes do grupo Os Campaneiros e que son, de esquerda á dereita: Ramón Valiñas Oubiña tocando a gaita, Celestino Carballa Villar co tamboril, José Carballa Villar, sen monteira nin instrumento e José Valiñas Oubiña, tamén coa gaita. Entre estes dous, hai outro home, vestido á moda da época, cun bombo. Diante hai un home de maior idade sentado nunha cadeira, vestido con chaqueta e punto e pantalón longo, pero cunha monteira posta; entre as mans, sostén un tronco dunha árbore, cunha boina na parte superior, como si fose unha gaita.
Ksado, 1888-1972, Fotógrafo (Casado Fernández, Luís) . (Santiago de Compostela )
Retrato de dúas nenas e dous nenos de curta idade, sentados nunha mesa de madeira con borde tallado da que só se ve a tapa e parte das patas. De esquerda a dereita: Juan Ramón de 2 anos, Mª del Carmen de 6 meses, Clotilde de 3 anos e Salvador de 4.
Sociedad Electro-Fotográfica, Fotógrafos (Xixón) Manquillo Quiroga, Antonio
Busto dunha muller co pelo recollido na parte alta da cabeza e cunha gran lazada no pescozo. O busto repítese 5 veces en diferentes posicións: en 3/4 á esquerda e dereita, de perfil, de costas, etc.
Reguera, Manuel, Fotógrafo . (Vilagarcía)
Retrato de corpo enteiro dunha muller nova co pelo recollido nun moño na parte alta da cabeza. Vai vestida ao estilo polisón cun traxe de dúas pezas: unha saia a raias verticais cuberta na parte posterior cunha sobre saia de cor clara, con máis volume no cu, moi curta na cintura e que vai aumentado de lonxitude facendo drapeados. O corpo do vestido é da mesma cor que a sobre saia e vai adornado nos puños e no peito coa tea listada da saia. A muller leva a súa man dereita apoiada nun gran floreiro en forma de copa que adorna unha barandilla. Detrás, un pano de fondo con árbores e arquitecturas.
Retrato de busto dunha muller adulta co pelo partido en dúas metades por unha raia ao medio e recollido na parte posterior. Vai vestida de negro sobre un fondo escuro onde se distingue unha porta acristalada.
Reguera, Manuel, Fotógrafo . (Vilagarcía)
Retrato dunha muller nova co pelo recollido na parte posterior da cabeza, vestida cun traxe de cor clara á moda da Belle Epoque. Vai apoiada sobre unha columna cuadrangular con decoración vexetal tallada nas súas caras; detrás, unha barandilla e un pano de fondo con arquitecturas apenas visible.
Reguera, Manuel, Fotógrafo . (Vilagarcía)
Busto feminino en 3/4 á esquerda, co pelo recollido na parte posterior da cabeza. Viste unha chaqueta escura coa parte do peitoral en branco e cun colo alto en forma de volante fruncido.
Reguera, Manuel, Fotógrafo . (Vilagarcía)
Retrato de corpo enteiro dunha muller nova vestida de escuro cun traxe ao estilo polisón e cunha capota na cabeza. O seu brazo dereito vai apoiado sobre unha columna cuadrangular adornada con molduras, cuberta en parte por unha cortina. Entre ambas mans sostén un estoxo ou un libro.
Mora Rodríguez, Eugenio, 1848-?, Fotógrafo
Retrato de corpo enteiro dunha muller sentada nunha cadeira. Leva o pelo recollido e con flocos e vai vestida á moda da Belle Epoqué cun traxe escuro. Sobre o corpo leva unha chaqueta de veludo negro e na parte dianteira da saia unha banda do mesmo veludo. Calza botas altas. Sostén entre as mans un libro aberto. Á dereita hai un velador cuberto por un pano de damasco, cunha maceta cunha planta e unha boneca enriba.
Reguera, Manuel, Fotógrafo . (Vilagarcía)
Retrato de corpo enteiro dun neno de pelo moi curto, vestido cun mandilón de cor branca e con botas negras, altas ata a metade da perna. Leva o seu brazo dereito apoiado sobre un velador co pé torneado; a perna dereita vai cruzada por diante da esquerda. No lado esquerdo, unha cortina.
Reguera, Manuel, Fotógrafo . (Vilagarcía)
Retrato de corpo enteiro dunha nena vestida de curto cun vestido branco. Leva o pelo dividido cunha raia a un lado, recollido na parte posterior da cabeza. Entre as mans suxeita un abanico e leva o seu brazo dereito apoiado sobre un velador co pé torneado; a perna dereita vai cruzada por diante da esquerda. No lado esquerdo, unha cortina.