Díaz Escribano, Raimundo, 1855-1916, Fotógrafo . (Santiago de Compostela )
Retrato de home, de busto, frontal e coa cabeza lixeiramente de perfil. Viste chaqueta escura de raias con solapas, camisa branca e gravata de lazo, ademais, leva pano branco no peto. O cabelo engomado, con topete e bigote
Retrato familiar nun xardín. No centro da composición, Dona Herminia García de la Riba sedente e vestida de cor claro, acompañada dos seus fillos Simeón e Tomás; á dereita, sentada no chan, a súa filla Mercedes. Á esquerda, de pé e apoiada nunha árbore, a súa filla Concha; sentado no chan, con sombreiro e cun can, Ricardo Blanco Cicerón. Á dereita, nunha randeeira, a filla Carmen.
Vista dun retrato feminino de busto sobre un fondo neutro de cor clara. A rapaza está de fronte, lixeiramente xirada mirando ao vacio. Viste roupa escura con camisa clara de colo. Sobre a acabeza e os ombros leva mantela de encaixe negra.
En formato oval, retrato feminino de corpo enteiro e de pé. Figura de muller, situada diante dunha porta, vestida con traxe escuro, con pano no pescozo, cabelos recollidos cara atrás e cunha man sobre o corpo e a outra nas cadeiras, sostendo un pano de mans branco.
Retrato grupal de tres eclesiásticos, un deles con sombreiro de tella. Están na entrada dunha gran casa, nun corredor con varanda.
En formato horizontal retrato grupal, de corpo enteiro, frontal e en tres niveis. Sobre o chan e sentado, un rapaz vestido de mariñeiro (Simeón) e un cadelo negro. Sentados e de esquerda a dereita: home barbado con traxe escuro, camisa branca e gravata de lazo, muller (Herminia) con traxe de saia e chaquetiña, con grandes solapas e os cabelos recollidos; muller (Ana, nai de Ricardo ), vestida de negro con pano tamén negro atado ao pescozo; outro home con barba cana (Ricardo ) con traxe e gravata de lazo. De pé: moza (Mercedes) con camisa branca de volantes, e cabelos longos; rapaza ( María), con camisa clara decorada con bastas e cabelos recollidos carea atrás; rapaz (Tomás) con camisa escura e cabelos rapados; moza (Concha) con camisa branca con lazo no pescozo e cabelos recollidos en moño alto e outra rapaza (Mercedes) con camisa branca, con volante central, cabelos recollidos en cadea sobre o peito.
En formato horizontal imaxe dun pazo, destacan dúas torres cuadrangulares con remate de ameas, unha torre-campanario con cupuliña, e fachada con solaina de dous corpos con arcadas. En primeiro plano, unha ampla zona de vides e ao fondo, monte.