Rodríguez Fraiz, Antonio, 1912-1995
Recóllese documentación persoal de caracter biográfico, como homenaxes, correspondencia, recordatorios, invitacións, facturas, e outros documentos relacionados coa súa actividade relixiosa, ademais de intelectual e cultural, artigos de prensa seus ou sobre el, e outros en relación coas institucións de seu interese e ámbito (MPG, Pedrón de Ouro, Museo de Pontevedra, Amigos da Terra de Montes, Instituto Padre Sarmiento,...); do mesmo xeito, a documentación inclúe unha serie de coleccións facticias feitas polo propio Rodríguez-Fraíz.
Fraguas Fraguas, Antonio, 1905-1999
Os fondos personais de Antonio Fraguas Fraguas permiten documentar e coñecer a súa actividade profesional, os seus intereses persoais e o seu compromiso coa cultura galega e o a súa difusión. Conservánse documentos identificativos, cartillas médicas, facturas, fotografías, apuntes, artigos, documentación de homenaxes e premios, diplomas, correspondencia persoal, documentación patrimonial, xustificantes de gastos, documentos da súa actividade docente e produto da súa actividade intelectual e cultural, tanto manuscrita como impresa.
Beiras García, Manuel, 1904-1996
Os fondos personais de Manuel Beiras García permiten documentar e coñecer a súa actividade profesional, os seus intereses persoais e o seu compromiso coa cultura galega e o a súa difusión. Conservánse documentos variados: homenaxes, honras e premios, correspondencia persoal, facturas, documentos da súa actividade empresarial, artigos tanto manuscritos como mecaografados, documentación política e otros ítems que demostran o seus variados intereses
Os documentos están relacionados con membros da familia Fernández: Documentación patrimonial e persoal (fes de bautismo, testamentos, herdanzas e escrituras de repartimento; así como a relacionada coas casas pertencentes a esta familia); documentos de venda, troco e arrendamentos realizados nos concellos de Silleda, A Estrada e Lalín principalmente, e é tamén importante a presenza de documentos xudiciais (denuncias, preitos, sentencias...) de distintos procesos que implicaron a membros desta familia; así mesmo e debido a que un dos membros, Antonio Fernández, era cura presbítero, hai diversos documentos eclesiásticos, a maior parte deles procedentes do Bispado de Lugo, relacionados coa súa función eclesiástica.
O fondo se completa con documentación varia, de diversa tipoloxía relacionada con actividades da familia ou dos seus veciños.
Finalmente, a doazón inclúe unha serie de obxectos que se incorporan tamén aos fondos do Museo
González del Blanco, Roberto, 1887-1959
Documentación, principalmente de carácter testamentario, relativa ás familias Miranda e Miranda- Suárez, coa súa orixe na Val de Barcia, fegresías de Crendes e San Pedro de Quembre, e posterior ubicación en Noia
Blanco-Cicerón Núñez, Ricardo, 1844-1926
A amplitude e variedade do fondo documental de Ricardo Blanco-Cicerón aproxímanos aos seus intereses particulares, á súa actividade profesional, amais da vida social e cultural na que se desenvolve.
Consérvanse documentos persoais, tanto textuais como gráficos, que van dende títulos e premios, á fotografías, anotacións ou escritos produto da súa actividade intelectual e social que se reflicten na correspondencia mantida con diversos persoeiros da época.
A xestión do seu patrimonio queda rexistrada en numerosos documentos de compravenda, facturas, apuntamentos ou testamentos.
Non faltan tampouco, oficios, expedientes ou actas que nos falan do seu paso pola alcaldía de Tui ou fan referencia ao exercicio da avogacía na Sociedad Simeón García.
Respecto á función privada, como home de fondas crenzas relixiosas que foi, pertenceu e tivo cargos importantes en varias confrarías de Santiago, das que gardou moitos documentos de xestión das mesmas (actas, constitucións, estatutos, libros de contas, relacións de confrades, correspondencia...
Da súa participación activa na vida cultural e social, compre destacar o papel relevante que tivo na Exposición Regional Gallega de 1909, tal como o amosa a cantidade de material impreso, manuscrito ou fotográfico pertencente á mesma (correspondencia dos comisionados, inventarios, informes... Son tamén importantes as invitacións a participar en conferencias, veladas, exposicións e a formar parte das entidades socioeconómicas e culturais máis importantes do momento.
Finalmente, o súa afección como coleccionista levouno a ter unha das mellores coleccións de Galicia, no que a documentos se refire, que vai desde o século XIII ao XX, de moi variada temática e tipoloxía (pergameos, escrituras de compravenda, testamentos, foros, sentenzas, preitos, recortes de prensa, gravados, impresos e folletos...)
O estudo destes documentos contribuirá a debuxar e coñecer mellor a realidade galega de finais do S. XIX e primeiros anos do XX así como a vida nas cidades de Santiago e Tui principalmente, achegando material dabondo para facilitar o estudo da nosa historia.
García Martí, Victoriano, 1881-1966
Os fondos que recolle o arquivo de Victoriano García-Martí están principalmente relacionados coa súa faceta intelectual: documentos manuscritos e mecanografados das súas obras, xunto con borradores e material acumulado no proceso de estudo e desenvolvemento dos seus traballos, e unha ampla colección de recortes de prensa cos seus artigos xornalísticos e a súa vida social e intelectual. Inclúe correspondencia con persoas de renome da época. Tamén algunha que outra documentación tanto de orixe público como privado, principalmente do relacionado co seu paso polo penal de Burgos durante a Guerra Civil. Se ben unha gran parte da documentación é de carácter textual, tamén hai que sinalar a presenza de documentos gráficos, como é o caso de fotografías familiares e persoais, e debuxos.
DACOSTA TRONCOSO, Eulogio Genaro, 1920-?
Documentos persoais relacionados coa súa actividade profesional como conductor de tranvías
Lorenzo Fernández, Xaquín, 1907-1989
Os fondos personais de Xaquín Lorenzo permiten documentar e coñecer a súa actividade profesional, os seus intereses persoais e o seu compromiso coa cultura galega e o a súa difusión. Conservánse documentos identificativos persoais, cartillas médicas, facturas, fotografías, apuntes, artigos, documentación de homenaxes e premios, diplomas, correspondencia persoal, documentación patrimonial, documentación produto da súa actividade intelectual e cultural,tanto manuscrita como impresa.
O arquivo inclúe tamén os de Xosé Lorenzo Álvarez, pai, o de Xurxo Lorenzo, irmán, e documentación de Xan da Cova.
Caamaño Suárez, Manuel, 1936-
Se trata de documentación relacionada coa súa militancia no Partido Socialista Galego principalmente, e ao seu vencellamento e participación na Asociación Cultural O Facho (A Coruña). Ademais dos documentos pertencentes ao partido escrito senso, tamén se atopou moito material impreso, xa sexa carteis, recortes de prensa ou fotocopias das mesas, e adhesivos, sobre todo as referidas a propaganda electoral.
MORENO GONZÁLEZ, Xan, 1952-2015
Os fondos personais do profesor Xan Moreno González permiten documentar e coñecer a súa actividade profesional e os seus intereses persoais. Conservánse documentos produto da súa actividade intelectual e cultural, tanto manuscrita como impresa.
Colección de filatelia
MARTUL TOBÍO, Luis
González Pérez, Clodio
Se trata de diversas coleccións de facticias de temática variada, relacionados cos intereses do propio Clodio González Pérez. Documentos tanto textuais como gráficos moi heteroxéneos
OTERO CEPEDA, Encarna, 1950-
Os fondos personais de Encarna Otero Cepeda permiten documentar e coñecer a súa actividade profesional e os seus intereses persoais. Conservánse documentos produto da súa actividade intelectual e cultural, tanto manuscrita como impresa.
ROZAS CAEIRO, Mercedes, 1956-
Os fondos personais de Mercedes Rozas permiten documentar e coñecer a parte da súa vida familiar e persoal, principalmente a do seu pai, Antonio Rozas Suárez
Costa Alonso, José, 1887-1960
O conxunto documental está relacionado co desenvolvemento da súa actividade profesional e cos cargos que desempeñou comoPresidente do Pósito de Pescadores de Moaña, vogal do Consello Xeral do Instituto Social da Mariña, así como director do periódico `Galicia Marítima` e outros relacionados coa actividade pesqueira de Moaña, Galicia e o Estado
TILVE COSTAS, María, 1956-
Os fondos achegados por María Tilve son de temática variada, dende orixinais de Manuel María a outros relacionados coa familia