O MPG conserva unha gran colección de carteis da máis diversa procedencia e tipoloxía, publicitarios, de espectáculos, políticos, etc. Os carteis son documentos con carácter efímero, realizados para dar unha información puntual sobre un acontecimento, para anunciar un nuevo produto o persuadir ás masas a asistir a un acto. Sen embargo, o seu coñecemento e preservación resulta esencial para o estudo da evolución dunha sociedade, dos seus gustos, intereses, a súa vida cotiá, así como do desenvolvemento da publicidade e o deseño. Cando remata a súa función o cartel adquire outros valores: artísticos, históricos, sociolóxicos, etc.
Se trata dunha colección de documentos reunidos según criterios non obxectivos, e que polo tanto, non conservan unha estrutura orgánica nin responden ao principio de procedencia arquivístico. En consecuencia, trátase dun conxunto de documentos –ata agora sen tratar arquivísticamente– reunidos de maneira facticia por motivos de conservación debido ao seu especial interese para o Museo.
Polo tanto, é un conxunto que presenta unha gran variedade en canto á súa tipoloxía, temática e técnica. Cronolóxicamente se sitúan nun período comprendido entre mediados do século XIX ata o día de hoxe. A clasificación dos diferentes materiais atende ao contido e, ata agora inclúe: felicitacións, recordatorios e estampas devocionais, invitacións, programas, almanaques de peto, calendarios murais, paipais, etiquetas e envoltorios de produtos comerciais, cromos, postais, naipes, tarxetas de básculas, facturas e papel de carta, puntos de lectura...