Sentenza, en segunda instancia, do caso de Ambrosio Herreros Torres contra os Síndicos pola quebra da sociedade `J. M. Bofill`, con resultado de absolución dos acusados. A sentenza confirma a emitida polo Xuzgado de 1ª Primeira Instancia de Pontevedra. É copia.
Tres borradores de cartas dirixidas a Manuel García Prieto sobre o paradoiro do título de avogado necesario para a xubilación do remitente.
Petición de Juan Pérez Arias do certificado do cese do cargo de Maxistrado suplente na Audiencia de Santiago para o seu expediente de xubilación.
Escrito do Colexio de avogados de Santiago ao homónimo de Madrid sobre as Ordes Reais que limitan o exercicio da avogacía ao partido xudicial onde se ten constituido vecindade.
Carta dunha Comisión a favor do avogado Manuel Dámaso e de Claudio Fontanellas por estaren ambos presos en Barcelona.
Carta do Colexio de Avogados de Barcelona ao decano do homónimo en Santiago expoñéndolles o caso de Manuel Dámaso de Nieva, tamén avogado, e defendendo a súa actuación.
Alegato de Ramón Tojo no nome de Francisco Bentín e Domingo Pintos no caso da denuncia por falsedade dunha acta interposta por Ángel Aldrey e o seu procurador Domingo Sánchez. Fala dunhas denuncias calumniosas e duns delitos `fantásticos` e descalifica ás testemuñas chamándolle a unha, por exemplo `perdido que acabó en trapisondas, (...) almuerza con aguardiente`. Busca amosar que existen incoherencias, olvidos estraños e a existencia dunha trama e confabulación contra os seus defendidos, e pide a instrución dunha causa contra as testemuñas Ozal e Souto. Nomea tachas doutras testemuñas e solicita volver a interrogar por separado a outras, asemade pide se lle mande exhorto ao secretario e ao alcalde para que mostren o patrón vecindario desde 1860 para ver o reparto de contribucións.
Documentación relacionada coa familia Obaya, principalmente co avogado Julián Obaya, con quen traballou Ricardo Blanco-Cicerón, na que hai 40 cartas, 3 documentos notariais, 1 xudicial e 1 minuta de honorarios. Moitas das cartas fan referencia aos casos nos que tomou parte Obaya, o cal anota na maioría das cartas as que ten contestadas; proceden de moitas partes de España (desde As Palmas a Lleida) destacando as cartas con Montero Ríos, o cal lle comunica en 1888 o seu traslado á fiscalía de Seo d´Urxel.
Aceptación ao reitor da participación nun xurado de exame para alumnos de varias asignaturas da carreira de Dereito da universidade santiaguesa.
Petición ao colexio de avogados por parte de Antonio María de Porto dun licenciado para interpor demanda contra José Curros y Casal ante a negativa de todos eles a facerse cargo da defensa. Ao día seguinte o xuíz ordena nun auto que se revoque a negación e por sorteo tócalle a Julián Obaya.
Petición de Jacobo Freire de inclusión no inventario xudicial que se practicou como consecuencia da morte de Dona Manuela Stolle, e polo que preitea con Antonio Varela Stolle. Ao fin do texto consta o nome de Julián Obaya (avogado). Adxunta o documento coa sentenza final (2 follas), que inclúe unha petición de aclaración sobre dita sentenza (2 follas).
Escritura de venda outorgada por Dona Carmen Paz Pardo a favor de Josefa Rodal Bermúdez de Castro sobre distintos bens sitos no concello de Sobrado. Na mesma carpetilla inclúese a carta de pago.
Sentenza do Tribunal Supremo de Xustiza no caso de Pelagio Gómez e outros contra o Hospital de Beneficencia de Valencia, sobre a nulidade da institución de herdeiro a favor del feita por Dona Vicenta Ibánez
Sentenza por un delito de falsificación de instrumento público para conseguir unha cantidade de diñeiro, contra o notario Isidro Ortega e Antonio Lorenzo, como autores do mesmo, e Juan José Torres e Martín Manso, como cómplices. A denuncia foi feita por Bernardo Vigurri.
Honorarios do licenciado Julián Obaya contratado por Mercedes Armada, condesa viúva da Torre, para resolver a herdanza de Carmen Armada.
Demanda interposta polo avogado Ramón Tojo Roal, por impago de préstamo, na causa de Benigno de Soto Díaz contra Gabriel Cabeza Rodríguez.
Carta de poder outorgada por María Iglesias y Curty, viúva de Timoteo García de la Riva, primo de Herminia, a Ricardo Blanco-Cicerón.
Apuntamentos sobre unha escritura de redención de foro en Chaián, realizada por Ricardo Blanco-Cicerón.
Sentenza do Tribunal Supremo sobre o non proceder do recurso de casación, sobre os feitos xulgados en 1ª Instancia en Villafranca del Penedés e na Audiencia Provincial de Barcelona.
Ramón Tojo Roel, avogado representante de Antonio Rodríguez Santiago e Felipe Bobillo, pide a absolución da demanda interposta por José María Penas, avogado de Pedro Junquera, alegando a liberdade de contrato (13 de xullo de 1893) e a posterior disolución da sociedade en tres partes, sen responsabilidade do sucedido posteriormente.