Vista da Rúa do Vilar con varios transeúntes. En primeiro plano, á esquerda, a Casa do Deán
Grupo de feirantes na Carballeira de Santa Susana. No centro, un home vestido con chapeu, camisa, chaleco, chaqueta e calzón curto, con medias de la e zocos. Ao seu carón varias mulleres con pano da cabeza, mantóns de abrigo e saias longas. Detrás, varias cabezas de gando vacún. Ao fondo, entre as pólas dos carballos, a Catedral de Santiago.
Entrada da Alameda de Santiago coa Carrilana, carruaxe tirada por cabalos destinada ao transporte de viaxeiros. No pescante van sentados dous conductores, metres outro home está subindo por el. No teito da carrilana, a equipaxe e 4 viaxeiros sentados. Diante da carrilana, dúas mulleres levando un rancho, vestidas coa indumentaria popular: unha leva pano da cabeza, mantón sobre a camisa, vasquiña e mantelo; a outra, pano da cabeza, mantón, vasquiña e mandil.
Vista dun autobús a vapor da liña Santiago-A Coruña da empresa Autobuses Gallegos, provisto de berlina destinada a viaxeiros de primeira clase. No pescante van sentados o maquinista e o fogueiro, encargados do motor a vapor con cheminea situado no extremo dianteiro. Na parte superior vai a equipaxe cuberta por unha lona. Á esquerda, un home vestido con gorra de prato, chaleco, chaqueta e pantón longo.