Instancia ao Xulgado de Primeira Instancia no que Julián Rey, de Portomouro, denuncia José Pombo por incumprimento de contrato sobre a venda dunha egua e a cría. Inclúe o Auto para a comparecencia de Pombo a continuación
Declaracións de Juan Miguel Bergara e Benito Bizente Pereira coma testemuñas nun preito mantido por Josefa Rodríguez Santos polo alugueiro e foro dunha casa na Plaza.
Tres Reais Provisiones de 1544. A primeira a petición de Diego Álvarez de Sotomaior; a segunda a petición de García Rodríguez de Caamaño; e a terceira a petición do Arcebispo de Santiago. Cada unha co seu certificado de copia.
Comisión dada por Gaspar Dávalos, Arcebispo de Santiago, ao doctor Joan de Verastegui para que investigue un suceso da vila de Pontevedra no que poden estar implicados varios eclesiásticos.
Acordo entre Bernardo Caetano Riazos de Aldao e Domingo Francisco Gayoso de los Cobos, Conde de Amarante nun preito por un muro construido por este xunto a casa do primeiro, na Algalia de Abaixo.
Expediente do preito de Luis de la Riva, director da Sociedade `Luis de la Riva y Compañía de Sargadelos` contra Carlos, Ramón, Hipólito e Ricardo Ibáñez, José Jorge de la Peña e Eduardo Vilar polo impago da liquidación de dous establecementos de fundición e louza da Real Fábrica de Sargadelos. O expediente foi levado polo Tribunal de Guerra de Galicia. Contén: instancias, certificados, citacións e todas as probas do preito, entre elas os inventarios das fábricas.
Acordo de Francisco de Prado, veciño de do lugar de Paizás, con Francisco Antonio Alonso y Pinzás, cóengo da catedral de Santiago, polo cal o primeiro se compromete a non volver a pasar co seu carro polas terras do segundo.
Francisco Antonio Alonso y Pinzás, cóengo da Catedral de Santiago, denuncia o incumprimento dun contrato por parte de Nicolás González, de San Andrés de Trobe, ao non rematar a obra da construción dun cano de desaugue na súa casa. O contrato é de 1848 e a denuncia de 1853.
Francisco José San Millán y Castro, veciño de Tui, intenta poñer preito a Joseph e Francisco Puga e Hermenegildo Fernández polo impago do foro dunhas terras.
José González Barba, no nome de José Alonso de Sal pide que se lle reintegren 1840 libras de bacallau de Noruega que considera duplicadas por José Lourao e José Galego por opinar que as testemuñas do xuízo non son son válidas polas razóns que detalla, quedando así invalidada a proba máis importante.
Carta Real requerindo a Francisco Caamaño que lle pague ao Mosteiro de Sobrado os 1687 marabedís por gastos dun preito no que foran conxuntamente.
Consideracións do avogado de Jacobo Flores, ao respecto da pretensión da demandada (non figura o nome) no caso dunha compravenda de terras, e as rendas que xeneran.
Denuncia de Antonia Prado y Muíños contra Nicolás Seoane pedindo a devolución da filla de ambos, á que considera secuestrada tras tela a súa cliente aos vinte anos co dito Seoane sen casar e o seu posterior abandono deste, polo que pide cadea temporal.
Manuel Domingo Fernández, no nome de Máxima Domínguez, pide que Ramón Pol, o esposo, lle devolva os fillos que ten en Corcubión, aparte dunha pensión para o seu coidado e alimentación.
Manuel Mariño, no nome de Luis Lagasti, nos autos con Antonio Flores polo pago do valor da novela `Fe, esperanza y caridad` que se fixo no periódico `La nación`, alega que este xa fora pagado ao reemplazar labores do periódico pola publicación desta novela, a cal non se sabía se ía ser un éxito ou un fracaso.
Alegato de Domingo Benito Rivas e Julián Obaya na defensa de Francisco Claro, soldado de infantería, na causa pola morte no cárcere de Manuel Vázquez alegando a loucura de Claro (argumenta que tiña visións, golpes na testa, falaba só, inventaba cousas) e o mal carácter de Vázquez, chamándolle provocador pendencieiro.
Pedro Rey demanda a Baltasar Baliñas (cuñado seu) por solta e abandono dos bens da herdanza de Pedro Baliñas, sobriño do primeiro, estando este xa defunto e tamén a irmá do demandante, Josefa Rey.
Manuel Giménez, procurador de Juana Pimentel, pide a absolución por prescripción nunha demanda interposta por Benito Amor Labrada (en representación da súa filla Matilde Amor) no caso do litixio sobre propiedade do Padroado Vincular en virtude dun testamento de 1791 de María Magdalena Losada.