Confirmación de cobro por parte do prior do mosteiro, frei Álvaro de Santiago, polas misas en favor de Iohan Nunnez d`Aponte, deán da catedral de Santiago. Inclúe tamén tres documentos anteriores, nos que Rodrigo de Moscoso, arcebispo de Santiago, reclama o pago de misas aos testamentarios do deán. O documento remata coa fórmula da excomuñon, ou fórmula cominatoria, empregada de xeito habitual.
Carta de poder de Pedro Pardo de Cela, cóengo da Igrexa de Santa María do Campo de A Coruña.
Carta de poder outorgada por María Iglesias y Curty, viúva de Timoteo García de la Riva, primo de Herminia, a Ricardo Blanco-Cicerón.
Carta Real requerindo a Francisco Caamaño que lle pague ao Mosteiro de Sobrado os 1687 marabedís por gastos dun preito no que foran conxuntamente.
Documento de pago de María Reymóndez Gómez á priora do convento Santa María A Nova de Lugo por 4352 maravedíes, dun total de 23720.
Real carta executoria escrita para aclarar a titularidade das terras chamadas de Monte Porreiro a petición de D. Gregorio Ignacio Hermida, como apoderado de D. Pedro Benito de Lis, cura de Santa María de Lira, contra Ramón José Ramírez San Vicente e a súa dona.