O remitente, corresponsal na Coruña da Exposición Regional Gallega de 1909, informa dos avances nas xestións dos comisionados, e trata o asunto dunhas inscricións na Colexiata de Santa María.
Avrillon Bofil, José, 1874-1922, Fotógrafo . (A Coruña )
Vista interior da bóveda apuntada da ábsida da Colexiata de Santa María do Campo. Cimbrado de nervios, e un rosetón na crave. Nos espazos entre os nervios, ornado con pintura de motivos florais e anxos.
Avrillon Bofil, José, 1874-1922, Fotógrafo . (A Coruña )
Vista frontal da fachada da Colexiata de Santa María do Campo. De estilo románico tardío, con pranta basilical de tres naves. Portada de arco de medio punto e arquivoltas sobre columnas acodilladas e capiteis vexetais. En dúas xambas faltan sendas figuras. Ornan as arquivoltas follas de acanto e once figuras colocadas en sentido radial, co Salvador na crave; no tímpano está representada a Adoración dos Magos. Naves laterais con ventás de arco de medio punto e vidreiras a dús niveis. Rosetón central e campanario góticos. En primeiro termo, un cruceiro co Cristo crucificado e a ámbolos lados da cruz a Virxe e a San Xoán ós seus pés. Sentados no pedestal, dous mozos
Avrillon Bofil, José, 1874-1922, Fotógrafo . (A Coruña )
Vista frontal da portada norte da Colexiata de Santa María do Campo. Presenta un corpo lixeramente adiantado. No tímpano, figura central en actitude orante e rodeada por catro rodas, o que leva a pensar no martirio de Santa Catalina, á esquerda dúas figuras humas e á dereia unha flor de lis. As mochetas en que apea o tímpano, son anxos xenuflexos. Capiteis das columnas con motivos vexetais e ábacos xeométricos
Avrillon Bofil, José, 1874-1922, Fotógrafo . (A Coruña )
Vista frontal da portada sur da Colexiata de Santa María do Campo. Presenta un corpo lixeramente adiantado, e arquivoltas vexetais de lixeira forma de ferradura, apoiadas en columnas acodilladas nas xambas (dúas por cada lado), con capiteis historiados. No tímpano sustentado en mochetas con anxos xenuflexos, se recolle unha escea con catro personaxes en torno a unha figura cental. Na crave se representa unha cabeza humana
Avrillon Bofil, José, 1874-1922, Fotógrafo . (A Coruña )
Vista da ábsida da nave central, o rosetón gótico da mesma e a cabeceira da Colexiata de Santa María do Campo. Á dereita pódese ver unha ventá cega con renreixado de forxa e unha pequena bóveda.
Avrillon Bofil, José, 1874-1922, Fotógrafo . (A Coruña )
Vista interior da nave central da Colexiata de Santa María do Campo, presidida por un gran rosetón. En primeiro termo, á esquerda, órgano. Trala reixa, púlpitos a ambos lados. Altar de estilo neoclásico ao fondo, de prata repuxada, cunha imaxe da Virxe na fornela.