Retrato de catro homes nunha feira que levan diante un panel cun avión pintado sobrevoando o mar e detrás un pano de fondo cun templo. O home da esquerda leva unha pipa na boca e viste camisa, xersei e chaqueta. O segundo sostén o volante do avión e leva un abrigo cun brazalete negro na manga en sinal de loito. O terceiro leva sombreiro, camisa, gravata e chaqueta e ten un pito na boca. O último leva boina, camisa e chaqueta.
Beiras García, Manuel, 1904-1996
Vista do Penedo do Apóstolo no Santiaguiño do Monte, presidido pola imaxe en pedra do Apóstolo Santiago predicando e unha cruz. Diante da imaxe de Santiago hai un cura, Manuel Capón Fernández, coengo da Catedral de Santiago. Subidos polos penedos, varios mozos e homes e na parte inferior un numeroso grupo e asistentes escoitando ao sacerdote.
Grupo nunha romaría entre os que destaca Dolores Gómez Lago, coñecida como `A Cega de Miranda` ou `de Peredo` tocando o violín. Vai vestida con pano da cabeza, anoado na parte superior, camisa, saia, mandil e botas. Ao seu carón, un home con boina, chaqueta e pantón longo, tocando á pandeireta. Xunto a el, outro home, tamén con chaqueta e pantalón longo e con chapeu, cun pito nunha man e un garrafón recuberto de vimbio na outra. Ao redor, varias persoas, homes, mulleres e nenos, sentados e deitados no chan. Ao fondo, paisaxe dun amplo val.
Procesión por unha rúa de Cambados, con varias persoas con candeas. Á dereita da imaxe, varios homes portan unhas andas coa imaxe de San Bieito con billetes prendidos na túnica da figura.