Interior dunha cociña cunha familia sentada ao redor da lareira. Sentado no centro da imaxe está o home, con camisa, gravata, pantalón longo e botas. Ao seu carón, de pé, unha muller nova con camisa de raias, touca, saia e mandil; sentada xunto a ela, unha nena, con pano da cabeza, chambra de raias e saia. Doutro lado, hai unha muller madura, co pelo partido en dúas metades e recollido en dúas trenzas, cun mandil de raias e leva no colo a un bebé de curta idade; detrás, está un neno. Na parte dereita están o restos do lume, cunha trepia ou trespés enriba e ao lado un pote grande de ferro de tres pés. Nas paredes, vense os diferentes utensilios de uso doméstico: tapas e culleres, as pas do forno, a porta dunha lacena cun rosario e crucifixos pendurados, o burro da lareira e ao seu carón un fuso e unha roca. Na parte superior, as trabes da cuberta totalmente afumadas.
Ksado, 1887-1972, Fotógrafo (Casado Fernández, Luís) . (Santiago de Compostela )
Vista do estudio da Unión Radio Galicia co elenco da peza cómica de teatro `Vaites, vaites`. Á esquerda, Antonio Fraguas Fraguas e á dereita Xosé Mosquera Perez, o `Vello dos contos`; en medio Conchita Frade e Elena e Dolores Sanluis. Diante, hai unha mesa con flores que sostén o micrófono da Unión Radio S.A. Colgado da parede, o logotipo da radio sobre un papel pintado. Na parte superior, un debuxo coa vista do casco vello de Santiago desde a Alameda.
Ksado, 1887-1972, Fotógrafo (Casado Fernández, Luís) . (Santiago de Compostela )
Retrato de corpo enteiro de José Mosquera Pérez, caracterizado como `O vello dos contos` con pucho, camisa, chaleco, calzón curto, medias de la e zocos; apóiase nun caxato e leva un papel de tabaco nos beizos. Ao fondo, unha cortina de damasco.