Vista dunha lancha xeiteira fondeada nun peirao. Dentro da lancha hai tres mariñeiros novos sacando a rede do xeito; sobre a cuberta, do lado de babor, están colocados os boureis de cortiza da rede. Detrás, outra lancha xeiteira fondeada. En primeiro termo, a esquerda, hai un mozo de costas volvendo a cara ao espectador; viste camisa e pantalón longo de cor clara, pucha e zocos.
Grupo de mariñeiros, a maior parte deles rapaces, recollendo as redes do xeito que están postas a secar tendidas no chan nun campo de herba, formando ringleiras. Cada un deles recolle un pano de rede cargándoo sobre o ombreiro. En segundo plano, unha muller fai o mesmo traballo, cargando tamén as redes. Ao fondo, unha casa, dous hórreos de pedra e varias construcións máis.
Grupo de cinco telleiros, dous deles rapaces, facendo tellas en dous bancos ou potros. No da dereita están distribuíndo o barro nas gradinas e no da esquerda, dándolle a forma no formal. Diante, unha eira chea de tellas postas a secar.
Grupo de 10 mulleres e mozas levando unhas tinas ou cuncos de madeira sobre a cabeza para transportar o barro desde a barreira á telleira; para salvar a diferenza de altura, van subidas a un taboleiro inclinado apoiado nun muro e no chan. Todas levan sombreiros e saias e vestidos lixeiros; algunhas van descalzas e outras levan alpargatas. Ao seu carón, tres nenos
Telleiro erguendo o barro para amasalo e preparar as tellas. Ao seu carón, un rapaz e un banco ou potro para traballar as tellas. Detrás, unha eira chea de tellas postas a secar ao sol. Ao fondo, a telleira co forno aceso, do que sae un fume negro.
Romaní García, Arturo, 1918-2002, Fotógrafo
Vista dun areal cun pequeno peirao na que están varadas preto dunha ducia de cascos embarcacións de madeira. Unha delas vai pintada de negro e leva o nome de `Rosario`. En medio dos cascos, hai dous mariñeiros de costas, vestidos con chaquetas e pantalóns longos e con puchas. Detrás, varias edificacións
Vista de dúas lanchas xeiteiras fondeadas nun peirao. Nunha delas hai un mariñeiro botando as redes do xeito ao mar; na rampa do peirao, outro mariñeiro vai recollendo as redes da auga e colocándoa formando un círculo. Ao fondo, a vila de Muros.