Chicharro Bisi, Manuel, 1849-1924, Fotógrafo . (Santiago de Compostela)
Retrato de corpo enteiro dunha muller vestida de negro ao estilo da belle epoque. Leva o pelo recollido na parte posterior da cabeza. O corpo do traxe é axustado, con mangas mixtas, moi voluminosas no brazo e axustada no antebrazo. Leva as mans agarradas á altura da cintura, co seu brazo dereito apoiado nunha especie de cómoda neogótica cun espello na parte superior. Detrás, un pano de fondo cunha parede cun zócalo panelado.
Chicharro Bisi, Manuel, 1849-1924, Fotógrafo . (Santiago de Compostela)
Retrato de corpo enteiro dunha muller vestida de escuro ao estilo da belle epoque. Leva o pelo recollido nun moño na parte superior da cabeza. O corpo do traxe é axustado, adornado con satén no colo, na abertura e nos puños; a faldra vai adornada no dianteiros cunha peza de damasco. Leva as mans agarradas á altura da cintura, co seu brazo dereito apoiado nunha especie de cómoda neogótica cun espello na parte superior. Detrás, un pano de fondo cunha parede cun zócalo panelado.
Chicharro Bisi, Manuel, 1849-1924, Fotógrafo . (Santiago de Compostela)
Retrato de corpo enteiro dunha muller vestida de escuro ao estilo da belle epoque. Leva o pelo recollido nun moño na parte superior da cabeza. O corpo do traxe é axustado e de colo alto; a faldra vai adornada cun bordado de aplicación negro na parte baixa e nun lateral. Leva as mans agarradas á altura da cintura, co seu brazo dereito apoiado nunha especie de cómoda neogótica cun espello na parte superior. Detrás, un pano de fondo cunha parede cun zócalo panelado e unha columna.
Photographia Moderna, Fotógrafos (Porto) Cyrne, Leopoldo
Retrato de corpo enteiro dun home de pelo curto e bigote. Viste un longo gabán sobre un chaleco e unha camisa branca con gravata de lazo e leva pantalón longo de cor negra. O seu brazo dereito vai domeado, agarrando o borde do gabán á altura da cintura; o esquerdo vai apoiado nunha cadeira con respaldo ao aire cun motivo vexetal tallado e calado no centro. Detrás, un pano de fondo que debuxa unha parede con zócalo panelado.
La Ambulancia, Fotógrafos (A Coruña) Alonso, Antonio
Busto feminino dunha muller co pelo recollido na parte alta da cabeza, cunha peita rematando o peiteado. Viste un traxe de cor clara e leva sobre os ombros unha especie de estola negra con flocos.
Reguera, Manuel, Fotógrafo . (Vilagarcía)
Retrato de corpo enteiro dunha muller de perfil á esquerda coa cara volta cara á fronte. Leva o cabelo partido en dúas metades por unha raia ao medio e recollido nunha longa trenza que lle chega ate a cintura. Viste un traxe escuro de dúas pezas, co corpo axustado cos puños de veludo negro e unha saia con voo adornada no terzo inferior cun rodo de veludo negro e un volante con táboas adornadas alternativamente con veludo negro. No pescozo e nas mangas sobresaen un colo e uns puños brancos. Leva ambas mans apoiadas no alto respaldo dunha cadeira torneada e tallada de estilo alfonsino co asento e o respaldo tapizados en cor clara. A esquerda, unha cortina que oculta en parte o respaldo da cadeira.