Retrato de busto dun home novo, de fronte, imberbe, con boina e vestido cunha camisa branca e unha chaqueta escura. Na parte posterior leva pegado un papel impreso correspondente a unha licencia de navegación. Ao redor da foto, varios selos de tinta dunha `Ayudantía Militar de Marina`
Retrato dun grupo formado por unha parella e dúas mozas vestidas de galegas, nun xardín con árbores detrás. A parella está formada por un home de bigote vestido con traxe de chaqueta e gravata e unha muller co pelo ondulado, vestida cunha chambra branca, unha saia escura e un mandil a raias. Ao seu carón, están as dúas mozas vestidas con panos da cabeza anoados na caluga, mantóns cruzados no peito, un adamascado e outro estampado, e saias e mandís lisos. Unha delas leva zapatos de tacón brancos.