Aragundi, Luis, ?-1956, fotógrafo . (Padrón)
Retrato dunha nena de curta idade nun xardín, na parte alta dunha escaleira de pedra e apoiando un brazo nun muro de pedra. Vai vestido cun pano da cabeza de cor branca, unha chaqueta e unha saia negra, e un manto cruzado bordado e con longos flocos coas flores coloreadas. Nunha man leva un obxecto que non se identifica e na outra unha vara de madeira.
Retrato de familia nun recuncho dun xardín. No centro está o matrimonio, sentados en cadeiras de brazos feitas de vimbio: á esquerda, a muller cun vestido de cor clara e á dereita o home con traxe de chaqueta. Ao redor, e de pé, están os fillos. A esquerda, a filla maior, cun vestido claro, sen mangas e longo ata os xeonllos; no medio dos pais, o fillo mediano, con traxe de chaqueta. E á dereita o fillo menor vestido de mariñeiro con pantalón curto
Foto Pagnotta, Fotógrafo (Mar del Plata) Pagnotta, Carmelo
Parella de idade madura paseando pola Rambla Bristol da cidade arxentina de Mar del Plata, cunha columnata detrás deles. A muller leva un vestido negro, co colo e puños brancos; leva sombreiro e bolso e un colar de perlas de dúas voltas e un gran broche. O home leva traxe de chaqueta, gravata e sombreiro
Roca Ars Studio, Fotógrafos (Madrid)
Retrato dunha nena disfrazada de Carapuchiña Vermella: leva unha capa coa carapucha posta e dúas trenzas postizas sobre o peito; viste camisa branca, saia escura, zapatos e medias. Na man dereita leva un paraugas; o brazo esquerdo leva pendurada unha cesta de vimbio de dúas tapas. A fotografía vai pegada sobre un cartón e presentada nun cartafol en forma de libro.