Buch y Buet, Ramón, 1842-1894, Fotógrafo . (Vigo)
Retrato dunha muller de corpo enteiro, en 3/4 á dereita. Vai vestida cun traxe escuro ao estilo polisón, co pelo recollido na parte alta da cabeza e cuberto por unha mantela de blonda. Leva ambas mans apoiadas sobre unha columna que queda tapada en parte por unha cortina de raias.
Buch y Buet, Ramón, 1842-1894, Fotógrafo . (Vigo)
Retrato dun home de algo máis de medio corpo, co pelo curto e con barba, pero sen bigote. Vai vestido con camisa branca, gravata de lazo, chaleco no que se ve a cadea do reloxo de peto, pantalón e longa levita. Leva a man esquerda apoiada sobre un plinto de madeira tallada que sostén unha columna; detrás desta, unha cortina.
Buch y Buet, Ramón, 1842-1894, Fotógrafo . (Vigo)
Retrato dunha muller de medio corpo, en 3/4 á dereita, inscrito nun óvalo. Vai vestida cunha chaqueta escura sobre unha camisa branca, con pendentes longos de cor negra. Vai peiteada cun recollido na parte alta da cabeza.
Bocconi Camirani, Patricio, 1835-1878, Fotógrafo . (Pontevedra)
Retrato dun home de algo máis de medio corpo, co pelo curto, dividido en dúas metades con raia ao medio, e con barba e bigote. Vai vestido con camisa branca e unha chaqueta de lapelas con catro botón e tres petos, dous na parte inferior e outro sobre o peto. Leva a man dereita dentro dun dos petos
Bocconi Camirani, Patricio, 1835-1878, Fotógrafo
Retrato dun militar sentado nunha cadeira. Leva o pelo curto, bigote e perilla e vai vestido de militar con dúas medallas colgadas no peito. Entre as mans sostén unha vara; o brazo esquerdo vai domeado e apoiado sobre o respaldo da cadeira. Ao fondo, unha cortina.
Fotografía y Pintura Bocconi y Buch, Fotógrafos. (Vigo) Bocconi Camirani, Patricio (1835-1878) Buch y Buet, Ramón (1842-1894)
Retrato de perfil á dereita dunha muller de medio corpo, sentada nunha cadeira. Leva o pelo recollido na parte alta da cabeza, cuberto cunha mantela de blonda que case sobre o ombreiro. Leva unha camisa branca cun colo adornado cunha lazada que destaca sobre un corpo dun traxe escuro con adornos nos puños das mangas.
Fotografía y Pintura Bocconi y Buch, Fotógrafos (Vigo) Bocconi Camirani, Patricio (1835-1878) Buch y Buet, Ramón (1842-1894)
Retrato dun home sentado cunha nena de curta idade sentada no colo. O home leva pelo curto, barba e bigote; viste camisa branca e chaqueta escura. A nena leva unha especie de cofia branca e camisa da mesma cor; sobre a camisa un dengue e na cintura un mantelo con agremán bordado.
García Vizcaíno, Carlos, 1828-1874, Fotógrafo
Retrato dunha muller de corpo enteiro, co pelo recollido. Vai vestida ao estilo romántico cun traxe claro de dúas pezas, con adornos en cor negra. Leva a man esquerda sobre o respaldo dunha cadeira. Detrás, un pano de fondo debuxando un xardín con arquitecturas.
García Vizcaíno, Carlos, 1828-1874, Fotógrafo
Retrato dunha moza de corpo enteiro, co pelo recollido na parte posterior da cabeza. Vai vestida ao estilo romántico cun traxe escuro algo curto, que deixa ver as botas ata os nocellos. Na man esquerda leva un carné de baile. Á dereita, vese parte dunha cadeira co respaldo tallado e detrás, un pano de fondo debuxando un xardín con arquitecturas.
García Vizcaíno, Carlos, 1828-1874, Fotógrafo
Retrato de dúas mulleres de corpo enteiro, ambas vestidas ao estilo romántico: á da esquerda cun traxe escuro e a da dereita cunha chaqueta escura e unha saia clara de raias. No medio unha cadeira co respaldo tallado que leva no asento un album de fotografías. Detrás, un pano de fondo debuxando un xardín con arquitecturas.
García Vizcaíno, Carlos, 1828-1874, Fotógrafo
Retrato dunha muller vestida ao estilo romántico, cun traxe escuro de dúas pezas. Leva o pelo recollido nun moño baixo. A súa man esquerda vai apoiada no respaldo tallado dunha cadeira. Detrás, un pano de fondo que debuxa unhas árbores; á dereita, unha cortina
García Vizcaíno, Carlos, 1828-1874, Fotógrafo
Retrato de dúas mulleres vestidas ao estilo romántico, unha sentada nunha cadeira e outra de pé ao seu carón. A que está de pé viste unha chaqueta escura, na que destaca un colo branco, e unha saia clara de raias. A muller sentada na cadeira vai toda de escuro, cun traxe de dúas pezas, coa chaqueta adornada con agremán bordado; sobre as pernas, ten un album de fotografías aberto. Detrás, un pano de fondo cunhas árbores á dereita.
García Vizcaíno, Carlos, 1828-1874, Fotógrafo
Retrato dun home novo, co pelo moi curto e rostro imberbe. Vai vestido de escuro con camisa, chaleco, pantalón longo e unha levita. Na súa man esquerda leva un libro, mentres a dereita vai apoiada no respaldo tallado dunha cadeira; no asento da mesma, unha chistera. Detrás, un pano de fondo que debuxa un xardín con arquitecturas
Zagala Pérez, Francisco, 1842-1908, Fotógrafo . (Pontevedra)
Retrato dun bebé de curta idade inscrito nun ovalo. Vai vestido cunha chambra de manga curta de cor branca e espido de cintura para abaixo. Vai sentado nunha butaca tapizada de cor escura.
Zagala Pérez, Francisco, 1842-1908, Fotógrafo . (Pontevedra)
Retrato dunha nena vestida de curto, cun veo sobre a cabeza, vestido, medias e zapatos, todo de cor branca. A ambos lados leva dous veladores: á esquerda, un velador baixo co pé prismático e liso que sostén na parte superior unha boneca; á dereita, un velador máis alto co pé torneado e un libro na parte superior medio oculto por un pano branco. A nena apoia seu brazo esquerdo no libro do velador, subindo a man cara á meixela; leva a perna esquerda cruzada diante da dereita
J. Palmeiro e Hijos, Fotógrafos (Santiago de Compostela) Palmeiro, Juan
Busto en 3/4 á esquerda dun home de pelo curto rizado, con barba e bigote. Leva camisa branca cunha estreita gravata de lazo e chaleco e chaqueta escuros.
J. Palmeiro é hijos, Fotógrafos (Santiago de Compostela) Palmeiro, Juan
Retrato dun profesor universitario de corpo enteiro, co pelo curto, bigote e perilla. Vai vestido cun traxe escuro sobre o que loce a toga con muceta de cor máis clara. No lado dereito vese parte dunha mesa de catro patas torneadas como columnas salomónicas con traveseiros tallados; enriba da mesa, varios libro e sobre eles o birrete. O home leva, na súa man dereita, un libro que apoia sobre a mesa. Detrás, un pano de fondo cun zócalo decorativo pintado.
J. Palmeiro e Hijos, Fotógrafos (Santiago de Compostela) Palmeiro, Juan
Busto de perfil á esquerda dun home de pelo curto, bigote e perilla. Vai vestido con traxe de chaqueta escuro e con camisa branca e gravata
Varela Nogueira, Jesús, 1866-1913, Fotógrafo . (Santiago de Compostela )
Retrato dun neno de corpo enteiro vestido de mariñeiro de cor escura. Leva sombreiro, blusa co característico colo mariñeiro, pantalón curto, medias e botas altas. Leva un brazo apoiado nunha cadeira tapizada e adornada con logos flocos, tanto no respaldo como no asento. Detrás, un pano de fondo que debuxa unha escalinata flanqueada por dous floreiros en forma de copa con plantas e vexetación ao fondo.
Guiard Burgalat, Joseph, 1842-1878, Fotógrafo . (Santiago de Compostela)
Retrato dunha moza co pelo recollido na parte posterior da cabeza, vestida cun traxe escuro adornado no peito cunha especie de pano branco que cobre os ombreiros e que remata en pico na cintura. Leva a súa man dereita apoiada no alto respaldo tallado dunha cadeira. Detrás, un pano de fondo que debuxa unha alta ventá aberta cunha barandilla e un xardín cunha escalinata.