Mas Castañeda, Pelai, 1891-1954, Fotógrafo . (Barcelona )
Fotografías correspondentes a dous fragmentos de torques, en imaxes conxuntas e cada peza por separado. A peza nº 18 é un fragmento dun torque composto por unha vareta maciza de sección romboidal e remate bitroncocónico macizo. Decorado polas súas dúas caras externas a base de zigzags, realizados con circuliños estampados con punzón simple. A peza 19 corresponde ao terzo central dunha vareta maciza de sección romboidal dun torque roto en tres fragmentos. Decorado polas súas dúas caras exteriores con dous grupos de tres ornitomorfos enfrontados, e no centro dos grupos un rectángulo recheo de circuliños, nos extremos, liñas verticais con circuliños inscritos e un triángulo adornado con circuliños nun dos seus vértices. Ornamentación realizada con punzón simple.
Mas Castañeda, Pelai, 1891-1954, Fotógrafo . (Barcelona )
Fragmento correspondente a media vareta dun torque de sección circular, maciza, e remate en pera. Decorado por un arame enrolado cubrindo o terzo extremo da vareta e enlazando coa zona central lisa a través de dúas placas de dobres espirais de filigrana con botón central.
Mas Castañeda, Pelai, 1860-1936, Fotógrafo . (Barcelona )
Colar ríxido en forma de C, composto por unha vareta maciza de sección romboidal e remates bitroncocónicos. Carece de ornamentación
Mas Castañeda, Pelai, 1891-1954, Fotógrafo . (Barcelona )
Fotografías correspondentes as pezas números 1, 2 e 3 da colección de ourivería de Blanco-Cicerón. Trátase de dous aros de ouro de sección circular, un deles pechado, e un brazalete ríxido de `tipo gallonado`. Nunha imaxe as pezas están dispostas verticalmente e na outra horizontalmente.
Mas Castañeda, Pelai, 1891-1954, Fotógrafo . (Barcelona )
Fotografías do brazalete-torque de Riotorto, con visión lateral e cenital. A peza está formada por unha vareta de sección romboidal con remates piriformes e enrolada en espiral.
Mas Castañeda, Pelai, 1891-1954, Fotógrafo . (Barcelona )
Fotografías dos dous brazaletes de ouro iguais, que só se diferencian na altura. Trátase dunhas pezas cilíndricas abertas de ouro laminado, decoradas con sete nervios horizontais que rematan nos extremos con tres paralelos verticais formando rectángulos concéntricos. Estes nervios están enmarcados por catro filetes que bordean toda a peza.
Mas Castañeda, Pelai, 1891-1954, Fotógrafo . (Barcelona )
Torque en forma de C aberto, composto por unha vareta maciza de sección romboidal e terminais ocos en dobre escocia. Carece de ornamentación.
Mas Castañeda, Pelai, 1891-1954, Fotógrafo . (Barcelona )
Torque composto por unha vareta de sección circular maciza e cun só terminal oco en dobre escocia. Os dous terzos laterais están cubertos por arames enrolados que forman 31 espiras nun lado e 29 no outro. O terzo central presenta na cara externa unha decoración de filigrana aplicada que forma catro bandas paralelas de oitos separadas por cordonciños sogueados ou simples.
Mas Castañeda, Pelai, 1891-1954, Fotógrafo . (Barcelona )
Torque composto por unha vareta de sección circular maciza e remates en dobre escocia, tamén macizos. Os dous terzos laterais da barra están cubertos por un arame oco, en forma de C, enrolado e que forma 33 espiras nun lado e 32 no outro. A parte central da vareta non presenta decoración.
Mas Castañeda, Pelai, 1891-1954, Fotógrafo . (Barcelona )
Brazalete ancho, ríxido e circular sen chegar a pechar, con catorce láminas de metal coa parte central dividida por incisións horizontais
Mas Castañeda, Pelai, 1891-1954, Fotógrafo . (Barcelona )
Fotografías correspondentes ás pezas números 6 e 7 da colección de Blanco-Cicerón, dúas gargantillas de ouro do castro do Monte dos Mouros. A peza de maior tamaño está formada por unha lámina rectangular curvada en forma de C con estreitamentos nos extremos. A parte central presenta trece cortes lonxitudinais que forman catorce tiras repuxadas. Nos extremos, dobrados formando pestanas para efectuar o cerramento, presenta decoración puntillada de liñas verticais polo reverso. A máis pequena é unha banda de forma rectangular curvada que se estreita cara aos extremos, onde leva dúas perforacións en cada un para o cerramento da peza. A parte central presenta sete tiras conseguidas pola rotura da folla e posterior repuxado destas. Nas extremidades leva unha decoración de liñas horizontais e verticais realizadas mediante un puntillado desde o interior.
Mas Castañeda, Pelai, 1891-1954, Fotógrafo . (Barcelona )
Peza de ouro que presenta a forma dun colar articulado composto por un arame de sección circular martelado cos extremos dobrados cara a fóra, a xeito de ganchos de pecho; o dito arame parece que foi engadido posteriormente ao achado; leva ensartadas nove doas macizas bitroncocónicas, con perforación central, de distintos tamaños.
Mas Castañeda, Pelai, 1891-1954, Fotógrafo . (Barcelona )
Torque composto por unha vareta de sección circular e remates ocos piriformes. Os terzos inferiores da vareta están recubertos por arames enrolados que forman 53 espiras nun lado e 57 no outro, mentres que a parte central, totalmente lisa, aparece coutada por dúas aplicacións de filigrana dispostas en espiral arredor de dous botonciños centrais.
Mas Castañeda, Pelai, 1891-1954, Fotógrafo . (Barcelona )
Conxunto formado un arame e cinco fragmentos de espirais de ouro. O arame é un fío de ouro macizo de sección circular, enrolado en espiral de case dúas voltas. Un dos extremos dobrado a xeito de gancho e o outro en ángulo para a fóra e cun lixeiro engrosamento na punta. Dos fragmentos de espirais, hai tres de varetas de sección circular envoltas en espiral e sen decoración. Os outros dous, tamén de vareta de sección circular, levan remates plásticos, formados por un corpo cilíndrico con catro molduras circundantes, unha delas sogueada; a seguir unha franxa formada por fíos de filigrana ao aire, seguida por unha moldura cóncava lisa e termina en tres corpos globulares en forma de pera que serven de base a un terceiro que sobresae en medio deles.
Mas Castañeda, Pelai, 1891-1954, Fotógrafo . (Barcelona )
Colar ríxido formado por dous arames grosos e outros dous máis finos e retorcidos, torsionados en forma de soga e soldados nos extremos nunha vareta de sección circular adelgazada cara aos remates en forma de gancho cos extremos voltos, que, pola súa vez, están decorados cun ensanchamento globular no centro e un cono no final. Presenta unha decoración ternaria de tres oitos expandidos na zona funicular, así como unha serie de liñas incisas de puntos, círculos con punto central e arquiños, situados na variña lisa.
Mas Castañeda, Pelai, 1891-1954, Fotógrafo . (Barcelona )
Fotografía de conxunto dos obxectos de ouro cos números do 27 ao 34 e fotografías de detalle dos fragmentos de torques da Valiña e das arracadas de Masma. Na fotografía xeral inclúense as seguintes pezas:
Nº 27. Fragmento de torque da Valiña II: parte central dunha vareta de sección circular maciza, que presenta unha pequena decoración formando unha espiña de peixe que rodea 1,6 cm no centro da barra.
Nº 28. Fragmento de torque da Valiña I: parte central dunha vareta maciza de sección romboidal. Decorada polas súas caras externas por dúas bandas de filigrana de dous fíos entrelazados, formando oitos, onde se colocan esferiñas enchendo os ocos interiores.
Nº 29. Arracada de Masma I: de forma penanular. A parte proximal leva dous pivotes irregulares, contrapostos e soldados. O interior é oco. Só se conserva un anaco da lámina que cubriría as dúas caras principais, decorada con liñas concéntricas aos bordos.
Nº 30. Arracada de Masma II: de forma penanular. A parte proximal con pivotes de sección circular soldados. Interior oco. Lámina decorada con liñas concéntricas ós bordos nas dúas caras principais. Decoración no dorso interior con zigzags de gránulos e no exterior triángulos
Nº 31 e 32. Láminas caladas de Masma I e II: de forma rectangular, realizadas sobre unha lámina finísima e decorada cuns diminutos calados cuadrangulares a xeito de celosía.
Nº 33. Arame de ouro de procedencia descoñecida: feito cun fío de sección circular, enrolado en espiral de case tres voltas e atravesado
por outro fragmento en horizontal
Nº 34. Cravo ou remate de torque, de procedencia descoñecida: fragmento de barra maciza de sección romboidal con remate ou cabeza de forma cadrada.
Mas Castañeda, Pelai, 1891-1954, Fotógrafo . (Barcelona )
Fotografía de cinco fragmentos terminais de torque e varias fotografías de detalle do fragmento nº 20. As pezas nº 23 e 24 son dous fragmentos terminais de torque compostos por unha vareta de sección romboidal maciza e remate piriforme. O nº 25 ten a vareta de sección circular maciza e con remate piriforme. O fragmento nº 20 presenta unha vareta maciza de sección romboidal e remate oco en dobre escocia, decorado cunha roseta de seis pétalos, realizada cun punzón complexo, inscrita nun círculo. O fragmento 42 ten a vareta maciza de sección romboidal e remate oco en dobre escocia, sen ornamentación.