Retrato dunha parella, co home sentado nunha cadeira e a muller de pé ao seu carón coa man sobre o ombreiro del. O home leva o pelo curto con raia ao medio e bigote, vestido con traxe de chaqueta e gravata e con aneis en ambas mans. A muller leva o pelo ondulado, recollido na parte posterior, cun vestido de dúas pezas bicolor. Na súa man dereita leva unha pulseira e un anel e sostén un abanico; na esquerda leva un reloxo e sostén un bolso. Detrás, un pano de fondo cun xardín.
Retrato dunha parella, co home sentado nunha cadeira e a muller de pé ao seu carón coa man sobre o ombreiro del. O home leva o pelo curto e bigote, vestido con traxe de chaqueta e gravata. A muller leva o pelo ondulado, recollido na parte posterior, cun vestido de dúas pezas de cor clara. Na súa man esquerda leva unha pulseira e varios aneis e sostén un abanico. Detrás, un pano de fondo cun xardín.
Retrato dunha parella, co home sentado nunha cadeira torneada e a muller de pé ao seu carón coa man sobre o ombreiro del. Van vestidos cos traxes da voda: o home con traxe escuro, camisa e gravata de lazo brancas e unhas luvas brancas na man. A muller vai vestida de branco, cun traxe curto, un pouco máis arriba dos nocellos e con zapatos de tacón alto. Leva un veo branco suxeito cunha coroa de azar. Nas mans sostén un ramo. Detrás, un pano de fondo co interior dunha estancia, cunha ventá á dereita.
Retrato de dúas mozas vestidas de cor escura cuns traxes de dúas pezas, con saias por encima dos nocellos e botas. A ambos lados levan dúas macetas con plantas apoiadas en soportes de madeira, un alto e outro máis baixo. Detrás, un pano de fondo cunha cortina pintada.
Retrato dun neno de curta idade, vestido con traxe de mariñeiro de pantalón curto. Está de pé a carón dunha cadeira na que descansa un sombreiro branco. Detrás, un pano de fondo.
Maig Photo Studios, Fotógrafos (Cuba. Guanabacoa)
Retrato dun neno de curta idade, vestido cun mameluco branco e subido a unha cadeira sen brazos, apoiando a súa man dereita no respaldo. Detrás, un pano de fondo.
Retrato dun home de pelo curto e bigote, vestido cun traxe de chaqueta de cor clara. Á esquerda, unha cadeira de respaldo moi traballado e á dereita unha mesa cuberta por un pano, na que descansa, boca arriba, un sombreiro canotier, no que se lee: Temporada 1913, Guanabacoa
Balas, Javier G., Fotógrafo . (Cuba-Guanabacoa )
Retrato dun home de pelo curto e bigote, sentado nunha cadeira de brazos. Viste camisa branca, gravata de lazo negra, chaqueta escura, pantalón longo claro e zapatos. Na súa man esquerda leva un habano. Detrás, un pano de fondo cun xardón con columnas
Retrato dunha nena e dous nenos vestidos de branco. A nena está no centro cun vestido curto e unha lazada grande na cabeza, sostendo un abanico nas mans. Os nenos levan chaqueta, gravata de lazo e pantalón curto e levan dobradas unhas gorras nas mans
Retrato de dúas nenas de curta idade vestidas de cor clara, cun lazo branco na cabeza e postas de pé sobre o asento dunha cadeira dunha fibra vexetal tecida. Levan pendentes e pulseiras, e a máis pequena unha medalla pendurada do colo. Detrás, un pano de fondo cunha barandilla dunha escalinata.
Retrato dunha nena de oito anos vestida de primeira comuñón con vestido e velo brancos. Vai axeonllada nun reclinatorio sostendo un misal entre as mans. Diante, un crucifixo sobre unha mesa alta. Detrás, un pano de fondo cunha paisaxe
Retrato dunha parella labrega diante dunha leira de cereal, cun boi ao seu carón. O home, de pelo moi curto e bigote, viste boina, camisa branca, chaleco aberto, pantalón longo e zocos; entre as mans, suxeita un caxato ou o mango dalgunha ferramenta. A muller, vestida toda de negro, leva pano da cabeza, camisa, mantón, saia, mandil e zocas; entre as mans, a corda pola que leva a un boi de raza rubia, pequeno e escuálido. Detrás do home, vese un burro.
Retrato dun home a cabalo. Leva o pelo moi curto e bigote e viste con sombreiro, un pano branco anoado no pescozo, blusón e pantalón longo. Nunha man leva unha vara. Detrás, unha edificación