Debuxo dun carro baixo un pendello
Suárez, José, 1902-1974, Fotógrafo
Vista dunha casa de aldea con elementos construtivos en perpiaño, paredes de cachotería e cubertas de tella. A casa ten un pequeno corredor, con barandilla de madeira, accesible desde o exterior por unha escada de pedra. Pegada á casa hai un alpendre con palleira no andar superior, á que se accede por unha escada de pedra exterior. Na escada hai dúas nenas e un neno. Diante do alpendre, un carro do pais.
Dous carros do país tirados por xugadas de vacas con xugos de canga; ambos carros levan o canizo de varas postos entre os estadullos. Nun dos carros hai dous homes, un con pucha e chaqueta con remontas e outro con gorra e blusón castelán. Guiando as xugadas, a moza da postal URP/Postal-02//0735 e o rapaz da postal URP/Postal-02//0736
Suárez, José, 1902-1974, Fotógrafo
Vista do Campo da Barreira na vila de Allariz, cunha fila de casas ao fondo e, no lado dereito, unha esquina do Convento de Santa Clara. En primeiro plano, un carro do país baleiro. No medio da praza, hai unha malla de centeo, con varios home empregando os mallos; ao lado, unha máquina aventando o gran e varios carros cargados de centeo.
Retrato dunha moza vestida de galega con cofia, dengue con rodo de veludo sobre camisa branca e mantelo con veludo e varias tiras de agremán. Baixo o mantelo vese a parte inferior dunha saia de moda internacional. Na man dereita leva unha vara e na esquerda suxeita a corda dunha xugada de vacas con xugo de canga. Ao fondo, un muro de perpiaño.
Moza cunha aguillada nunha man e unha corda na outra que vai atada aos cornos dunha xugada de vacas; detrás, outra xugada con xugo de canga. A moza vai vestida con pano da cabeza, unha chambra de raias cun manto cruzado por riba, un refaixo e un mandil e calzada con zocos.
Rapaz cunha aguillada na man diante dunha xugada de vacas; á dereita, un carro co canizo posto. Viste con chapeu, blusón castelán sobre chaleco e camisa, pantalón longo e zocos.
Ksado, 1887-1972, Fotógrafo (Casado Fernández, Luís) . (Santiago de Compostela )
Reprodución fotográfica dun cromo de `Estampas de Galicia` coa vista dunha rúa empedrada pola que pasa un carro do pais tirado por unha parella de bois xunguidos por un xugo de canga de bregueiros. O carro leva os ladrás postos entre os estadullo e sobre o chedeiro vai unha moza vestida con pano da cebza e camisa brancas. Detrás, varias casas entre medianeiras, a máis grande con corredor no andar, con barandilla de madeira.