O remitente, en resposta a unha carta previa, da o nome de Enrique Campo Sobrino para recorrer a provincia de Pontevedra recollendo toda a información precisa para a Exposición Regional Gallega 1909. Anotacións a lápis do receptor.
Borrador cunha serie de recomendacións para os comisionados, entre elas, fotografar castros, igrexas, fortalezas, mosteiros e os obxectos que non se poidan levar á exposición; anotar tradicións, coidar a epigrafía, as supervivencias e as coleccións folkloricas.
O remitente, párroco no Cebreiro, informa sobre uns tubos de barro atopados durante un estudo para canalización de auga potable no Cebreiro, e os remite á Exposición Regional Gallega de 1909 dado o seu interese arqueolóxico.
O remitente comunica que hai pezas de gran interese para a Exposición Regional Gallega de 1909 na Casa de Ximonde (Ulla), que xa as coñece Antonio López Ferreiro, e tamén informa dun capitel romano en Agrelo (Sta. Cruz de Rivadulla), e unha imaxen en pedra da Virxe de Ponte Ulla. O contacto é Vicente Paredes, encargado da Casa.
O remitente declina o nomeamento de membro honorario da Exposición Regional Gallega de 1909 polo que sinte un trato despectivo da Junta da Exposición Regional Gallega de 1909 á súa persoa. Sen embargo, conta as moitas e diversas xestións a favor da mostra, aínda que sen resultados positivos. Suxire un contacto co Museo de Valladolid para levar obra de Gregorio Fernández. `Lda. 8 y 10 junio`
Impreso de saudo e solicitude de participación co préstamo de pezas para Exposición Regional Gallega de 1909, cos nomes de Antonio López Ferreiro, presidente da Sección Arqueolóxica, e Armando Cotarelo y Valledor.
O remitente, director do xornal `El Liberal`, adxunta dúas cartas sobre a Exposición Regional Gallega de 1909, e comenta os pasos que están dando para conseguir máis pezas. Inclúe certa preocupación polo traslado da obra `A piedade` de Gregorio Fernández
Impreso co saudo e cuestionario para os curas párrocos sobre os bens mobles e inmobles das parroquias. Inclúe datos sobre o templo, as imaxes, pintura, ornamentos, documentos e libros e lendas. Asinado polos comisionados da provincia de A Coruña.
Carta da Comisión Arqueolóxica para os cedentes de obxectos destinados á Exposición Regional Gallega de 1909, explicando as condicións de seguridade de ditas pezas na devandita exposición. Asinada polo presidente Antonio López Ferreiro, polos vicepresidentes Salvador Cabeza de León, Ricardo Blanco-Cicerón e polo secretario, Eladio Oviedo Arce, entre outros.
Carta aos reverendos curas comunicando a próxima celebración da Exposición Regional e solicitando a súa colaboración coa aportación de pezas. Vai asinada polo presidente e secretario da sección arqueolóxica, Antonio López Ferreiro e Eladio Oviedo Arce. Inclúe un borrador manuscrito.
O remitente alude a unha conversa con Benito Fernández Alonso acerca da pertinencia duns libros relixiosos da súa propiedade na Exposición Regional Gallega de 1909, e se haberá premios para obras na exposición.
Nomeamento de Eugenio Marquina Álvarez, como receptor das pezas de culto que a diocese de Ourense e outras entidades e particulares envíen á Exposición Regional Gallega de 1909. Asina `Dios`. Salvador Cabeza de León adoita empregar esa sinatura.