Postal que reproduce unha cromolitografía debuxada por Luis Labarta y Grañé e litografada por Magin Pujadas en 1895, ca. Representa a imaxe idealizada dunha muller da provincia da Coruña vestida co chamado `pano de bobiné`, dengue e mantelo vermello con rodos negros e refaixo tamén vermello, calzada con zapatos de taco. No ángulo superior esquerdo, o escudo da Coruña
Postal na que se reproduce un debuxo coa imaxe idealizada dunha parella nun peirao, vestidos con traxes típicos.
Imaxe de catro homes con indumentaria tradicional con chaleco, calzón curto, polainas e monteira, sentados nunha mesa de taberna.
Debuxo a cor dun busto feminino, peiteada e pintada á moda dos anos 20, pero con pano da cabeza e dengue. Ao fondo, a Catedral de Santiago
Debuxo coa imaxe idealizada dunha muller collendo auga nunha sella. Vai vestida con pano da cabeza, mantón sobre camisa de amplas mangas, saia, mandil e zocas de punta moi picuda.
Postal na que se reproduce un debuxo da autoría de Juan Giralt Levin na que se representa a imaxe idealizada dunha parella nunha eira, ela en actitude de bailar e el cunha gaita.
Postal que reproduce unha cromolitografía debuxada por Luis Labarta y Grañé e litografada por Magin Pujadas en 1895, ca. Representa a imaxe idealizada dunha muller da provincia de Lugo vestida con pano da cabeza, dengue vermello sobre camisa branca, refaixo laranxa e mandil azul recollido dun lado; calzada con zocas. Nas mas leva un cesto de dúas asas. No ángulo superior esquerdo, o escudo de Lugo.
En formato horizontal, vista xeral dunha escena de baile tradicional con catro mulleres e dous homes bailando e vestidos con indumentaria floclorizada. Na dereita, un grupo de músicos, tamén con vestimenta folclorizada.
Retrato dunha muller burguesa vestida co `traxe de galega`. Leva a cabeza descuberta, co pano no pescozo. Vai vestida cun mantón de seda bordada sobre chaqueta de pano e un mantelo de veludo con agremán bordado sobre un refaixo. Nunha man leva un pano das mans branco e na outra un pequeno cesto con mazás
Postal que reproduce unha cromolitografía debuxada por Luis Labarta y Grañé e litografada por Magin Pujadas en 1895, ca. Representa a imaxe idealizada dunha muller da provincia de Ourense vestida co pano da cabeza no pescozo, dengue sobre camisa branca, refaixo amarelo e mantelo negro, calzada con zapatos de corte salón. No ángulo superior esquerdo, o escudo de Ourense
Postal na que se reproduce un debuxo coa imaxe idealizada dunha muller dando de comer as galiñas; ao fondo, un camiño por onde se achega un home co paraugas aberto.
Postal que reproduce unha cromolitografía debuxada por Luis Labarta y Grañé e litografada por Magin Pujadas en 1895, ca. Representa a imaxe idealizada dunha muller da provincia de Pontevedra vestida con pano da cabeza sen atar, dengue vermello sobre xustillo negro e camisa branca, refaixo amarelo e mandil vermello; leva os pés descalzos e un cesto na cabeza. No ángulo superior esquerdo, o escudo de Pontevedra
Pardo Campos, Luisa, 1867-1926, Fotógrafa . (Mondariz)
Retrato dun grupo de turistas vestidos con traxes galegos e levando gallas, forquitas e cestos. Algúns homes van vestidos de muller e algunha muller de home.
Retrato grupal de cinco rapazas con indumentaria tradicional na eira dunha casa. Á esquerda, unha das rapazas leva na man unha cesta, e á dereita, outra, porta unha cesta na cabeza.
Ksado, 1887-1972, Fotógrafo (Casado Fernández, Luís) . (Santiago de Compostela )
En formato vertical, retrato feminino, de busto e frontal. A muller leva pano sobre os ombreiros, colar de doas e tres flores sobre o peito. Os cabelos recollidos e con ondas, amais dunha `peineta`.
Pardo Campos, Luisa, 1867-1926, Fotógrafa . (Mondariz)
Retrato de tres mulleres, hóspedes do Balneario de Mondariz, vestidas de galegas sentadas en medio dun campo. A da esquerda leva con pano da cabeza, dengue con rodo de veludo, saia e mandil brocado; sostén nas mans un sacho e unha fouce. A do medio, ten pano á cabeza atado na parte superior, dengue con rodo de veludo, saia e mandil; sostén na man unha galla. A da dereita, tamén con pano da cabeza, dengue con rodo de veludo, saia e mandil; sostén na man un angazo.
Pardo Campos, Luisa, 1867-1926, Fotógrafa . (Mondariz)
Retrato de tres mulleres, hóspedes do Balneario de Mondariz, vestidas de galegas en medio dun campo. A da esquerda leva con pano da cabeza, dengue con rodo de veludo, saia e mandil; sostén nas mans un sacho e unha fouce. A do medio, ten pano á cabeza atado na parte superior, dengue con rodo de veludo, saia e mandil brocado; sostén na man un angazo. A da dereita, tamén con pano da cabeza, dengue con rodo de veludo, saia e mandil; sostén na man unha galla.
Retrato grupal de catro rapazas vestidas con indumentaria tradicional, baixo unhas vides. As catro en actitude de cantar, a rapaza máis á dereita, tocando unha pandeireta.
Retrato grupal de cinco rapazas con indumentaria tradicional na eira dunha casa. Á esquerda, e de fronte unha das mulleres a toca a pandeireta. Á dereita, as catro restantes, en actitude de bailar.
Fotografía de pose enxebre con dúas mozas sentadas nunha escaleira de pedra, cunha eira ao fondo. Ambas van vestidas con pano da cabeza, pano de caxemira sobre unha chaqueta, mantelo bordado e zapatos. A que está sentada máis abaixo leva unha roca e un fuso, en actitude de estar fiando.