Avrillon Bofil, José, 1874-1922, Fotógrafo . (A Coruña)
Retrato dunha neneira vestida de branco cun vestido longo e un mandil con peito adornado con puntillas. Leva o pelo recollido na parte posterior da cabeza e pendentes longos de dous corpos. Ao seu carón está unha nena de curta idade tamén vestida de branco, cunha gran lazada na cabeza. Está de pé sobre o asento dunha butaca. Ao fondo, unha cortina escura.
Avrillon Bofil, José, 1874-1922, Fotógrafo . (A Coruña)
Vista xeral da cabeceira dunha igrexa. Tres ábsidas de planta semicircular, con columnas adheridas con capiteis de inspiración dórica e singulares canzorros baixo o tellado. As ábsidas sobre basamento para salvar o desnivel e de diferentes tamaños, sendo o central máis grande, os laterais non son iguais. Peche da nave central, con rosetón e cuberta a dúas augas. Á esquerda, torre con campanario, adherida e de época posterior.
Avrillon Bofil, José, 1874-1922, Fotógrafo . (A Coruña)
Fachada principal da Igrexa de Santiago da Coruña. Porta con arquivoltas apuntadas sobre seis columnas, nas xambas dúas esculturas masculinas enfrontadas, un tímpano con escultura ecuestre, sobrepena con ménsulas figuradas e gran rosetón.
Avrillon Bofil, José, 1874-1922, Fotógrafo . (A Coruña)
Vista detalle da porta dunha igrexa. Con dúas arquivoltas decoradas, a maior con follas, e a menor con rosetas, sobre catro columnas de capiteis vexetais; o tímpano, cun Agnus Dei, sontendo coa pata unha cruz flanqueada por flores con botón. Vai sobre dúas mochetas con cabezas de bóvidos.
Avrillon Bofil, José, 1874-1922, Fotógrafo . (A Coruña)
Vista detalle da portada dunha igrexa. Baixo un arco apuntado, tímpano liso con escultura de Santiago Cabaleiro, barbado, con sombreiro e espada na man. A cada lado da porta unha mocheta con anxo.
Avrillon Bofil, José, 1874-1922, Fotógrafo . (A Coruña )
Vista de dous capiteis da igrexa de Santa María de Cambre. En primeiro plano unha loita de animais de costas entre eles pero xiran as cabezas, compartindo língua e rabo; entre eles, tanto no centro da cesta como nos vértices, atópanse figuras antropomorfas núas. O que está en segundo plano presenta motivos vexetais clásicos. En terceiro plano pódese ler parte dunha inscrición: CHAEL PEI FECIT.
Avrillon Bofil, José, 1874-1922, Fotógrafo . (A Coruña)
Vista xeral da fachada da igrexa de Santa María de Cambre. Seis canzorros sobre a portada de dúas arquivoltas, a pequena remata en columnas xeminadas e a maior, ornada con figuras zoomórficas excepto a central que é humana, termina en columnas simples. No tímpano, un año co cruz e anxos aos lados. Rosetón co círculo central orlado por festón de arcos de ferradura, arredor ábrense oito máis, en forma radial econ ornamentación xeométrica. Ventás laterais de arcos polilobulados, dous contrafortes co dúas columnas adosadas e con follas de acanto. Á dereita, unha torrecilla cilíndrica contén a escaleira de caracol que sube ata a espadaña de dobre arco.
Avrillon Bofil, José, 1874-1922, Fotógrafo . (A Coruña)
Vista da portada sur da igrexa de Santa María de Cambre. Restauración de 1908, data do tímpano. Arquivolta exterior en damero con perda das columnas orixinais. Dous capiteis representan dúas cabezas humanas fornte a fronte