1 fotografía(s) carte-de-visite : Positivo en branco e negro ; 85 x 53 mm. sobre cartón de 105 x 63 mm. Papel. Bo.
0
As cartes-de-visite ou cartas de visita son un formato fotográfico para retratos de estudio que permitiron a difusión da fotografía grazas ao abaratamento das copias. Tiveron un enorme éxito, poñéndose de moda o seu intercambio e coleccionismo.
No anverso, mención de responsabilidade, impreso: `R. Buch. Vigo` No reverso, mención de responsabilidade, impreso: `Gabinete Fotográfico / R. Buch / Vigo` No reverso, nota manuscrita: `Un recuerdo á mi querida y simpática amiga Amalia en prueba del cariño que le profesa su invariable amiga Isabel Lage de Piña. Marzo 2 / 877
Retrato dunha muller de corpo enteiro, en 3/4 á dereita. Vai vestida cun traxe escuro ao estilo polisón, co pelo recollido na parte alta da cabeza e cuberto por unha mantela de blonda. Leva ambas mans apoiadas sobre unha columna que queda tapada en parte por unha cortina de raias.
