2.1. Produtor-Institución

2.2 Historia Institucional/Biografía

Fillo do tamén fotógrafo Adolf Mas Ginestà, colaborou co seu pai desde 1916 nas campañas fotográficas que, a través do Arxiu Mas, lles encargaban diferentes institucións. En 1919 levou a cabo a campaña de Galicia, cunha duración de seis meses, realizando máis dun millar de negativos, entre eles, a colección de ourivería de Blanco-Cicerón. A noticia do seu percorrido polo noso país, empregado unha moto con sidecar para os seus desprazamentos, foi recollida na revista Vida Gallega (nº 138, 1920). Nos anos seguintes seguiu realizando campañas por diversas zonas de España, ata que a Guerra Civil primeiro e a II Guerra Mundial truncaron os proxectos do Arxiu Mas. Pelai Mas seguiu traballando como fotógrafo ata o seu falecemento en 1954.

2.4. Forma do ingreso

Forma xurídica do ingreso
Doazón
Fonte do ingreso
Fernando, Rosina e Margarita Acuña Castroviejo
Data do ingreso
2012 e 2016

3.1. Alcance e contido

Fotografías correspondentes a dous fragmentos de torques, en imaxes conxuntas e cada peza por separado. A peza nº 18 é un fragmento dun torque composto por unha vareta maciza de sección romboidal e remate bitroncocónico macizo. Decorado polas súas dúas caras externas a base de zigzags, realizados con circuliños estampados con punzón simple. A peza 19 corresponde ao terzo central dunha vareta maciza de sección romboidal dun torque roto en tres fragmentos. Decorado polas súas dúas caras exteriores con dous grupos de tres ornitomorfos enfrontados, e no centro dos grupos un rectángulo recheo de circuliños, nos extremos, liñas verticais con circuliños inscritos e un triángulo adornado con circuliños nun dos seus vértices. Ornamentación realizada con punzón simple.

1 postal fotográfica de 89 x 139 mm., do fragmento nº 18 con decoración punteada, pendurado dun cordel.
3 copias de 127 x 179 mm., de ambas pezas apoiadas en cravos, o fragmento 19 na parte superior e o 18 na inferior. Unha das copias, coa numeración manuscrita: Nº 19 / 18. Noutra, no reverso, nota manuscrita: F. Acuña Castroviejo / Colección Blanco Cicerón
2 probas de negativo de 167 x 226 mm., unha de cada fragmento. Ambas levan mención de responsabilidade, no ángulo inferior esquerdo, cuño seco: Arxiu Mas / Barcelona. No reverso, ficha do cliché do Arxiu Mas en cuño de tinta e manuscrita.
1 postal fotográfica de 85 x 135 mm., do fragmento nº 19 con decoración de ornitomorfos, apoiado en tres clavos.
1 postal fotográfica de 89 x 139 mm., do fragmento nº 19 con decoración de ornitomorfos, apoiado nunha superficie plana.
4 copias de 176 x 240 mm., dúas de cada fragmento e cada unha coa súa correspondente e numeración manuscrita. Dúas levan no reverso a mención de responsabilidade manuscrita: Foto Mas / Barcelona / Nº 31041 (no fragmento 18) e Nº 31045 (no fragmento 19)

3.4. Organización

Unidade documental composta

4.1. Condicións de acceso

Consulta previa cita co Arquivo do Museo do Pobo Galego. Trátase dos fondos xerados pola propia familia titular da documentación, aos que se lle aplica a restrición marcada pola lei vixente. Para a consulta da obra orixinal séguese á lexislación da Propiedade Intelectual, así queda excluída a copia da documentación consultada. O acceso está suxeito á lexislación vixente: Lei 16/1985 do Patrimonio Histórico Español, Lei 30/1992 de Rexime Xurídico das Administracións Públicas e do Procedemento Administrativo Común, Lei 5/2016 do Patrimonio Cultural de Galicia, Lei 7/2014 de arquivos e documentos de Galicia, Lei 15/1999 de Protección de datos de carácter persoal, lei que non limita o acceso á documentación que, segundo establecen as Lei 16/1985 e Lei 7/2014 de arquivos e documentos de Galicia, teña a condición de histórica, a mais o propio Reglamento da Biblioteca do Museo do Pobo Galego

4.2. Condicións de reprodución

Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no Regulamento do Arquivo do Museo do Pobo Galego art. 56 e 58 do Estatuto do Arquivo do Museo do Pobo Galego. Acceso libre coas restricións establecidas polo decreto 307/1989, de 23 de novembro, polo que regúlase o sistema de arquivos e o patrimonio documental de Galicia e as restricións que por conservación e preservación estipule arquivo do Museo do Pobo Galego. Para aqueles documentos dispoñibles en soporte dixital, a consulta dos orixinais está restrinxida.

4.3. Lingua/Escritura(s) da documentación

Humanística

Castelán. Catalán

4.4. Características físicas e requisitos técnicos

Descrición do estado de conservación:

Bo.

5.1. Existencia e localización

Biblioteca e Arquivo do Museo do Pobo Galego

6.1 Nota xeral

O fragmento 18 crese que foi atopada nun castro xunto a Viveiro quizais en 1869 ou en 1883. O número 19 apareceu en 1859 nun castro lucense sen especificar.
Pezas que formaban parte da colección de ourivaría Blanco-Cicerón, vendida polos seus herdeiros a Álvaro Gil Varela quen a cedeu en depósito ao Museo Provincial de Lugo en 1974. Tras a morte de Gil Varela, a súa familia solicitou, en 1999, cambios no contrato de cesión e, ante a falta de resposta, o caso acabou nos tribunais. Finalmente, o Supremo dá a razón aos herdeiros de Gil Varela que en outubro de 2013 retiran a colección do Museo de Lugo. Por fin, en 2015, declarada xa a colección como BIC, a familia e a Deputación chegan a un acordo regresando as pezas ao Museo a cambio de 2,3 millóns de euros.

7.2. Regras ou Normas

Norma galega de descrición arquivística: (NOGADA). Versión 2ª, febreiro 2010 ISAD(G): Norma Internacional General de Descripción Archivística: Adoptada por el Comité de Normas de Descripción, Estocolomo, Suecia, 19-22 septiembre 1999. 2ª ed. Madrid : Subdirección General de Archivos Estatales, 2000

8.1. Puntos de acceso

8.9. Datos adicionais. Cobertura