1 fotografía(s), carte-gabinete. : Positivo en branco e negro ; 119 x 65 mm. sobre cartón 165 x 108 mm. Papel.. Bo.
0
Imaxe copiada da obra pictórica do mesmo nome do pintor francés Charles Zacharie Landelle (1821-1908) Goupil & Cie. foi unha empresa editora de reproducións de arte, en gravado e fotografía, fundada en París en 1850, a continuación de maison Goupil, creada en 1829, e que durou en activo catro décadas. A carte-gabinete formaba parte dunha colección editada por Goupil et Cie, ilustradas con imaxes copiadas das obras dos máis importantes pintores da historia da arte ata o século XIX.
No anverso, impreso: Ch. Landelle / Le songe de saint Joseph / Carte-Album Nº 1255- Goupil et Cie, Editeurs, Paris No reverso, impreso: Défense de colorier
Escena do Soño de San Xosé. No centro da imaxe, a figura do santo durmindo, ao que se lle aparece un anxo. Na parte superior, entre nubes, a Virxe co Neno e varios anxos portando, un cáliz, unha coroa e a cruz do calvario.
