No ano 2014 chega ao Museo, en concepto de depósito, o arquivo do CNAN.
O clube nasceu tralo éxito electoral de Coalición Galega nas eleccións autonómicas de 1985, cando algúns nacionalistas vinculados ao partido decidiron crear un grupo de debate, con charlas e conferencias organizadas, para estruturar un galeguismo asumible como fórmula política. O fundador e primeiro presidente foi Luciano García Alén, coa colaboración de Perfecto Yebra Martul-Ortega que asumiu o secretariado. Os primeiros integrantes do clube foron Xosé Manuel Barreiro, Xesús Couceiro Rivas, José Manuel García Iglesias, José Antonio Gómez Segade, Xosé Manuel González Reboredo e María Luisa Sobrino Manzanares.
O depósito inclúe os documentos propios do desenvolvemento habitual dunha entidade coma esta: Documentos fundacionais (Estatutos, carta fundacional, permisos...), documentos de xestión (Órganos de goberno, fichas de socios, finanzas, correspondencia...), documentos de actividades (Invitacións, notas manuscritas e mecanografadas, recortes de prensa... referentes ás conferencias, mesas redondas e outras actividades do Clube). Xunto a este fondo documental, unha ampla coleción fotográfica en papel e casetes onde se recollen, respectivamente, as imaxes e o sons dos participantes nas accións dos Clube (Entre outros: Barreiro Rivas, Beiras Torrado, Lisón Tolosana, Méndez Ferrín, Pujol, Trias Fargas...)
