Conxunto de fotografías biográficas que permiten documentar a vida de Xaquín Lorenzo, tanto na súa faceta familiar como profesional e intelectual. Inclúe fotografías de familiares, tanto da nai como do irmán Xurxo, así como das súas amizades ao longo da súa vida. Hai imaxes do seu labor como mestre e tamén como arqueólogo e etnógrafo, conservándose, así mesmo, fotografías da súa participación en congresos e conferencias. Recóllense igualmente os premios e homenaxes recibidos en vida.
