1 fotografía(s) carte-de-visite : Positivo en branco e negro ; 93 x 55 mm. sobre cartón de 104 x 61 mm. Papel. Regular.
0
As cartes-de-visite ou cartas de visita son un formato fotográfico para retratos de estudio que permitiron a difusión da fotografía grazas ao abaratamento das copias. Tiveron un enorme éxito, poñéndose de moda o seu intercambio e coleccionismo.
Retrato dunha muller de corpo enteiro, vestida cun traxe de dúas pezas de cor negra. Vai peiteada co pelo partido en dúas metades e recollido na parte posterior. Na man dereita leva un libro mentres que a esquerda vai apoiada nunha especie de columna dun muro de pedra que ten detrás; sobre a columna, un floreiro con flores.