2.1. Produtor-Institución

2.2 Historia Institucional/Biografía

Fillo do tamén fotógrafo Adolf Mas Ginestà, colaborou co seu pai desde 1916 nas campañas fotográficas que, a través do Arxiu Mas, lles encargaban diferentes institucións. En 1919 levou a cabo a campaña de Galicia, cunha duración de seis meses, realizando máis dun millar de negativos, entre eles, a colección de ourivería de Blanco-Cicerón. A noticia do seu percorrido polo noso país, empregado unha moto con sidecar para os seus desprazamentos, foi recollida na revista Vida Gallega (nº 138, 1920). Nos anos seguintes seguiu realizando campañas por diversas zonas de España, ata que a Guerra Civil primeiro e a II Guerra Mundial truncaron os proxectos do Arxiu Mas. Pelai Mas seguiu traballando como fotógrafo ata o seu falecemento en 1954.

2.4. Forma do ingreso

Forma xurídica do ingreso
Doazón
Fonte do ingreso
Fernando, Rosina e Margarita Acuña Castroviejo
Data do ingreso
2012 e 2016

3.1. Alcance e contido

Fotografías dos dous brazaletes de ouro iguais, que só se diferencian na altura. Trátase dunhas pezas cilíndricas abertas de ouro laminado, decoradas con sete nervios horizontais que rematan nos extremos con tres paralelos verticais formando rectángulos concéntricos. Estes nervios están enmarcados por catro filetes que bordean toda a peza.

3 copias de 118 x 167 mm. cos brazaletes contrapostos, un coa abertura para diante e o outro para atrás, recortados sobre fondo branco. Unha das copias vai pegada en cartón e leva no anverso unha nota manuscrita; nº 8 y 9. A copia en brillo leva unha nota manuscrita no reverso: F. Acuña / Castroviejo / Colección Blanco Cicerón / Brazalete de Moimenta
1 proba de negativo de 106 x 207 mm. con ambos brazaletes vistos pola parte pechada e recortados sobre fondo branco. No ángulo superior dereito, mención de responsabilidade, cuño seco: Arxiu Mas / Barcelona. No reverso, cuño de tinta e manuscrita, a ficha da imaxe do Arxiu Mas.
4 copias de 135 x 226 mm., sobre cartón 197 x 253 mm. con ambos brazaletes vistos pola parte pechada, tres delas coas pezas recortadas sobre fondo branco e unha coas pezas sobre fondo gris. Todas as copias levan a anotación manuscrita dos números 8 e 9. No ángulo inferior dereito, mención de responsabilidade, cuño seco: Arxiu Mas / Barcelona. No reverso, impresa e mecanografada, a ficha da imaxe do Arxiu Mas.
3 copias en brillo de 178 x 238 mm., con ambos brazaletes vistos pola parte pechada e recortados sobre fondo branco. Todas as copias levan a anotación manuscrita dos números 8 e 9 en cor azul. Dúas das copias leva unha nota manuscrita en negro na parte inferior: `Brazaletes tipo gallonado. Quedan sin numerar por no constar en el catálogo` . A terceira copia pon, unicamente: `Sin nº`

3.4. Organización

Unidade documental composta

4.1. Condicións de acceso

Consulta previa cita co Arquivo do Museo do Pobo Galego. Trátase dos fondos xerados pola propia familia titular da documentación, aos que se lle aplica a restrición marcada pola lei vixente. Para a consulta da obra orixinal séguese á lexislación da Propiedade Intelectual, así queda excluída a copia da documentación consultada. O acceso está suxeito á lexislación vixente: Lei 16/1985 do Patrimonio Histórico Español, Lei 30/1992 de Rexime Xurídico das Administracións Públicas e do Procedemento Administrativo Común, Lei 5/2016 do Patrimonio Cultural de Galicia, Lei 7/2014 de arquivos e documentos de Galicia, Lei 15/1999 de Protección de datos de carácter persoal, lei que non limita o acceso á documentación que, segundo establecen as Lei 16/1985 e Lei 7/2014 de arquivos e documentos de Galicia, teña a condición de histórica, a mais o propio Reglamento da Biblioteca do Museo do Pobo Galego

4.2. Condicións de reprodución

Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no Regulamento do Arquivo do Museo do Pobo Galego art. 56 e 58 do Estatuto do Arquivo do Museo do Pobo Galego. Acceso libre coas restricións establecidas polo decreto 307/1989, de 23 de novembro, polo que regúlase o sistema de arquivos e o patrimonio documental de Galicia e as restricións que por conservación e preservación estipule arquivo do Museo do Pobo Galego. Para aqueles documentos dispoñibles en soporte dixital, a consulta dos orixinais está restrinxida.

4.3. Lingua/Escritura(s) da documentación

Humanística

Castelán. Catalán

4.4. Características físicas e requisitos técnicos

Descrición do estado de conservación:

Bo.

5.1. Existencia e localización

Biblioteca e Arquivo do Museo do Pobo Galego

6.1 Nota xeral

Pezas que formaban parte da colección de ourivaría Blanco-Cicerón, vendida polos seus herdeiros a Álvaro Gil Varela quen a cedeu en depósito ao Museo Provincial de Lugo en 1974. Tras a morte de Gil Varela, a súa familia solicitou, en 1999, cambios no contrato de cesión e, ante a falta de resposta, o caso acabou nos tribunais. Finalmente, o Supremo dá a razón aos herdeiros de Gil Varela que en outubro de 2013 retiran a colección do Museo de Lugo. Por fin, en 2015, declarada xa a colección como BIC, a familia e a Deputación chegan a un acordo regresando as pezas ao Museo a cambio de 2,3 millóns de euros.
Atopados en 1914 nos Coto dos Castros, lugar de Moimenta, parroquia de San Xiao de Arnois (A Estrada).

7.2. Regras ou Normas

Norma galega de descrición arquivística: (NOGADA). Versión 2ª, febreiro 2010 ISAD(G): Norma Internacional General de Descripción Archivística: Adoptada por el Comité de Normas de Descripción, Estocolomo, Suecia, 19-22 septiembre 1999. 2ª ed. Madrid : Subdirección General de Archivos Estatales, 2000

8.1. Puntos de acceso

8.9. Datos adicionais. Cobertura