[Instalación de Galicia na Exposición do traxe de Madrid]
1925
1 fotografía(s) : Positivo en branco e negro ; 95 x 133 mm Bo.
0
Mención de responsabilidade, cuño de tinta no reverso: `Fotografía Prast y Chavarino. / Carrera S. Jeronimo 29 / Madrid` No reverso, cuño de tinta: `Galicia`
Instalación correspondente a Galicia na exposición do traxe celebrada en Madrid en 1925. En primeiro plano, dúas columnas. Á esquerda hai un manequín de home vestido cunha monteira, rematada en 4 pompóns, e unha almilla escura con remontas negras nos puños e no cóbado. No centro, outro manequín masculino sentado nun muro e apoiando as costas nun remate esférico de pedra. Viste pucho, almilla clara con remontas nos puños adornadas con semicírculos; parece levar un chaleco por riba da almilla. Nas pernas, leva cirolas, calzón curto, polainas e zocos; sostén unha gaita co roncón apoiado no seu ombro esquerdo e aos seus pés, no chan, un tamboril. Ao seu carón hai un manequín dun neno. Á dereita, un manequín feminino con pano da cabeza, atado na parte superior, un mantón posiblemente estampado e con flocos anoados e un mantelo cun enorme rodo de veludo e agremán bordado no centro.
