1 fotografía(s) : Positivo en branco e negro ; 115 x 165 mm. Papel.. Bo.
0
As pezas forman parte do tesouro de Recouso, un conxunto de pezas de ourivaría do século II a.C. atopadas en 1921 no castro de Recouso ao traballar a terra. Composto por dezaseis arracadas penanulares decoradas con filigrana e/ou granulado, dez cadeas ou anacos de cadeas (a maioría delas con terminais ornamentais), un terminal de cadea, sete anacos de aneis de suspensión, dous fragmentos probablemente pertencentes a unha peza de peche e catro tortas de fundición elaboradas cunha aliaxe de ouro e prata. As pezas contiñan no interior anacos de carbón e foron datadas con carbono-14 no século II antes da era actual.
A maior parte do atopado estivo en mans de particulares ata 2002 cando foi levado ao Museo das Peregrinacións de Santiago de Compostela. Unha arracada está no Museo Provincial de Lugo.
A fotografía forma parte dun álbum con tapas plásticas de cor azul, no interior, doce follas de cartón tamén azul co extremo aberto para poder introducir a fotografía. Dimensións: 18.8 x 23.2 x 2.7 cm.
Vista de catro tortas de metal (ouro e prata) de tendencia plana e circular. Levan manuscrito o seu peso en gramos.
