1 fotografía(s) carte-de-visite : Positivo en branco e negro ; 94 x 55 mm. sobre cartón de 106 x 61 mm. Papel.. Bo.
0
As cartes-de-visite ou cartas de visita son un formato fotográfico para retratos de estudio que permitiron a difusión da fotografía grazas ao abaratamento das copias. Tiveron un enorme éxito, poñéndose de moda o seu intercambio e coleccionismo. A actividade do fotógrafo Juan Palmeiro en Compostela, dátase entre 1857 e 1875. Ricardo Blanco Cicerón trasladouse a Compostela a realizar o seus estudos de avogacía nos primeiros anos da década de 1860, regresando anos máis tarde a Tui onde foi alcalde de 1877 a 1879. A fotografía debeu ser tomada na primeira estancia de Ricardo na cidade.
No anverso impreso: `J Palmeiro e hijos. Santiago`. No reverso, mención de responsabilidade, impresa: `Gabinete / fotográfico / de / J. Palmeiro e Hijos / Santiago`. No reverso nota manuscrita: `A Mercedes Ortega Blanco por siempre amante primo / R. Blanco Cicerón / Tuy Agosto 2 / 873`.
Vista detalle dun retrato masculino de 3/4. A figura está de perfil, con chaqueta pechada con solapas e pano no pescozo a modo de gravata. Leva os cabelos peiteados cara atrás, amais de barba e bigote.
