O arquivo do Museo do Pobo Galego comprende unha variada, ampla e importante documentación, amáis da xerada pola propia institución. Inclúe tanto arquivos privados de diversos e destacados persoeiros e familias de Galicia, como o arquivo do propio Museo, arquivos de empresas, de partidos políticos, do Hospital Real, así como coleccións de documentos textuais e gráficos, entre os que cabe sinalar os pergameos, documentos históricos, manuscritos, documentos impresos e salientables coleccións de carteis e de fotografías antigas.
